Софиянинг “ЦСКА-1948” ва “Септември” жамоалари ўртасидаги қарама-қаршилик 1:1 ҳисобида дуранг билан якунланди. Бу ўйин натижаси эмас, балки унда содир бўлган бир эпизод сабаб ёдда қоладиган бўлди.
Дерби вақтида такси стадионга кириб келди. Бу барчани футболчилар, томошабинлар, ҳакамлар ва видеони кўрган ижтимоий тармоқ фойдаланувчиларни ҳайратда қолдирди. Эҳтимол, футбол ўйинига қандай тушиб қолганини билмаган ҳайдовчи ҳам шу ҳолатга тушган.
Ҳайдовчининг майдонда пайдо бўлиб қолиши “Такси 4” фильмидаги бир эпизодни эслатди. Кинода такси ҳайдовчиси клубга янги қўшилган “Марсель” клуби футболчиси Жибраил Сиссени майдонга олиб келади.
Болгария клуби ҳам шу саҳнани такрорлашни режа қилмагани аниқ. Сабаби такси ҳайдовчиси тўхтамасдан бурилиб майдонни тарк этди. Машинанинг стадионга келиши ва кетишидан ҳеч ким жабрланмади. Учрашув машина кетгач давом эттирилди.
Изоҳ (0)