Sofiyaning “SSKA-1948” va “Septemvri” jamoalari o‘rtasidagi qarama-qarshilik 1:1 hisobida durang bilan yakunlandi. Bu o‘yin natijasi emas, balki unda sodir bo‘lgan bir epizod sabab yodda qoladigan bo‘ldi.
Derbi vaqtida taksi stadionga kirib keldi. Bu barchani futbolchilar, tomoshabinlar, hakamlar va videoni ko‘rgan ijtimoiy tarmoq foydalanuvchilarni hayratda qoldirdi. Ehtimol, futbol o‘yiniga qanday tushib qolganini bilmagan haydovchi ham shu holatga tushgan.
Haydovchining maydonda paydo bo‘lib qolishi “Taksi 4” filmidagi bir epizodni eslatdi. Kinoda taksi haydovchisi klubga yangi qo‘shilgan “Marsel” klubi futbolchisi Jibrail Sisseni maydonga olib keladi.
Bolgariya klubi ham shu sahnani takrorlashni reja qilmagani aniq. Sababi taksi haydovchisi to‘xtamasdan burilib maydonni tark etdi. Mashinaning stadionga kelishi va ketishidan hech kim jabrlanmadi. Uchrashuv mashina ketgach davom ettirildi.
Izoh (0)