“Бўлиши мумкин эмас!”. Неймар Эрон клуби стадиони ҳақидаги видеога изоҳ қолдирди

Футбол бўйича Осиё Чемпионлар Лигасининг 2-турида “Ал-Ҳилол” “Нассажи Мозандарон”га қарши баҳс олиб боради.

ОЧЛ доирасидаги учрашув 3-октябрь куни Эрон клубининг “Озоди” стадионида бўлиб ўтади.

Саудия Арабистони чемпионати хабарларини француз тилида юритадиган аккаунт Эрон жамоаси стадионидан қисқа лавҳани Х (Twitter)га жойлади. 

“‘Ал-Ҳилол’ ва ‘Нассажи’ учрашадиган ‘Озоди’ стадиони. Даҳшат”, — дейилади видеода.

“Бўлиши мумкин эмас!”, — деб ёзиб қолдирган Неймар твит остига. 

Эслатиб ўтамиз, ушбу жамоалар D гуруҳидан жой олган. Наманганнинг “Навбаҳор” жамоаси ҳам айнан шу гуруҳда ҳаракат қилмоқда. 1-турда “Ал-Ҳилол” “Навбаҳор” билан 1:1 ҳисобида дуранг қайд этган бўлса, “Нассажи Мозандарон” “Мумбаи Сити” устидан ғалаба қозонганди.