Исроил ташқи ишлар вазири Исраэл Кац БМТ бош котиби Антониу Гутерришни персона нон грата деб эълон қилди. Бунга Гутерриш Эроннинг Исроилга уюштирган ракета ҳужумини сўзсиз қораламаганини сабаб қилиб келтирди.
"БМТ бош котиби Антониу Гутерришга мамлакатга кириш тақиқланди", деб ёзди Кац Х ижтимоий тармоғида.
“Эроннинг Исроилга қарши жирканч ҳужумини сўзсиз қоралай олмаса, дунёнинг деярли барча давлатларидан фарқли ўлароқ, Исроил тупроғига қадам қўйишга лойиқ эмас”, деб давом этди у.
Кац, шунингдек, Гутерришни 2023 йил 7 октябрда Исроилга қилинган ҲАМАС ҳужумини ҳалигача қораламаганликда ва ҲАМАСни террорчи ташкилот деб эълон қилишга уринмаганликда айблади.
Кеча 1 октябрь куни Эрон Исроилга кўп миқдордаги баллистик ракеталар билан ҳужум қилди. Исроил мазкур ҳужумга вақти келганда жавоб беришини маълум қилди.
Изоҳ (0)