ИШИД террорчилик гуруҳи Эроннинг Керман шаҳрида 3 январь куни содир этилган теракт учун жавобгарликни ўз зиммасига олди. Бу ҳақда The New York Times хабар берди.
Террорчиларнинг даъво қилишича, уларнинг икки тарафдори оломон орасида ўзини портлатиб юборган. Эрон расмийларининг янгиланган маълумотларига кўра, 84 киши ҳалок бўлган, 284 киши яраланган. Олдинроқ Эрон расмийлари тахминий террор ҳужумида Исроилни айблаб, қасос олишга ваъда берган эди.
Террорчилар ҳужуми генерал Қосим Сулаймоний дафн этилган қабристон ёнида амалга оширилган. Эронлик журналистлар масофадан туриб портловчи қурилма ишга туширилганини айтганди, ИШИД буни рад этган. Эрон олий раҳнамоси Оятуллоҳ Хоманаий ҳужум ортида Исроил тургани, у бу орқали диққатни Ғазодаги урушдан чалғитишни кўзлаганини билдирганди.
ИШИД даъвоси АҚШ разведкаси прогнозларига мос келди. Аввалроқ разведка мазкур ҳужум “Исломий давлат”нинг иши бўлиши мумкинлигини илгари сурганди. Эрон Бош прокуратураси теракт бўйича тергов бошлаган. Хоманаий “душманлар бу фалокатга қаттиқ жавоб олишларини билиши керак”лигини таъкидлаган.
ИШID экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)