Исроилда ишлаб чиқилган инқилобий технология тарихда илк бор шифокорга операция хонасидан 32 километр масофада жарроҳ роботини қўллаш орқали юрак катетеризациясини бажариш имконини берди. Бу ҳақда «Forum Daily» хабар берди.
Corindus компанияси томонидан яратилган ноёб технологиядан фойдаланиб масофадан бажарилган жарроҳлик амалиёти Ҳиндистоннинг Аҳмадобод шаҳридаги «Арех» касалхонасида ўтказилди.Аслида бу туркум операциялар бўлиб, катетеризация жараёнини кетма-кет юрак-қон томир касалликлари билан оғриган беш нафар бемор бошдан кечирди.
Бешта амалиётнинг барчаси жаҳонга машҳур кардиолог шифокор Тиас Фаттел томонидан амалга оширилди.
Унинг ҳамкасби ва ҳамкори доктор Санжи Шаа амалиёт вақтида беморнинг ёнида бўлиб, ҳар қандай вазиятда ёрдам кўрсатишга шай эди.
Узоқдан катетеризация технологиясидан фойдаланган ҳолда ўтказилган жарроҳлик амалиёти вақтида шифокор операция хонасидан ташқарида, лекин бемордан жуда қисқа масофада туриб, махсус консол ёрдамида жараённи назорат қилди.
CorPath жарроҳлик роботи 2002 йилда NaviCath (бугунги кунда «Corindus» деб аталади) томонидан ишлаб чиқилган бўлиб, у «Рамбам» касалхонасининг етакчи кардиологи профессор Рафаэль Бияр томонидан яратилган.
Кейинчалик, «Рамбам» касалхонаси билан ҳамкорликдаги лойиҳа доирасидаги Технион базаси Массачусетс штатига (АҚШ) кўчиб ўтди ва у томонидан ишлаб чиқилган технологиялар бугун дунёнинг 50 та тиббиёт марказларида қўлланилади.
Изоҳ (0)