Ортопедияда ажойиб кашфиёт: Исроилда ёғни суяк тўқимасига айлантириш амалиёти тадбиқ этилди

Исроиллик олимлар томонидан дунёда биринчи бўлиб ортопедияда инқилоб деб ном олган усул муваффақиятли қўлланилди, дея хабар беради «Вести.ru».

Улар беморлар ёғидан суяк тўқимаси ҳосил қилишни ўрганган. Усул аллақачон синовдан ўтган ва яқин келажакда кенг қўлланилиши мумкин.

Профессор Розен бу сафар одатдагидан кўпроқ ташвишланди. Бемор билан юз берган бахтсиз ҳодиса сабабли тизага штифт ўрнатилди. Бироқ суякда катта беш сантиметрлик тешик пайдо бўлганди. Бундай ҳолларда беморнинг тос суягидан олиб, шикастланган жойга жойлаштирилади. Бу жуда оғриқли, меҳнат талаб қиладиган, давоси узоқ давом этадиган муолажа. Аммо бу сафар улар бутунлай янги усулдан фойдаланишга қарор қилди.

«Бу ортопедияда ҳақиқий инқилоб бўлди. Биз беморнинг қорин бўшлиғидан ёғ тўқимасини олиб, икки ҳафта ичида уни биореактордан суяк ҳужайраларига айлантириб, шикастланган жойга жойладик», — дейди «Ҳа-Эмек» шифохонасининг ортопедия бўлими профессори Нимрод Розен.

Даставвал тажриба сичқонларда синаб кўрилган. Ёғдан етиштирилган суяк танани рад этмаган, қон томирларида ўралиб, тезда илдиз отган. Бу ноёб технология инсонларда биринчи бўлиб юз-жағ жарроҳлигида синовдан ўтказилган.

Сабаби бош суяклар жароҳати ёки патологияси юз берганда, донор тўқималарни топиш жуда қийин.