Яманнинг Эрон томонидан қўллаб-қувватланадиган ҳусийлари Исроилга “кўп сонли” баллистик ракеталар ва дронлар учирди. Бу ҳақда Al-Arabiya хабар берди.
Яман Қуролли кучлари бригада генерали Яҳё ас-Сар тегишли маълумотни тасдиқлади. У Исроилнинг турли нишонларига қарши баллистик ва қанотли ракеталарнинг катта партияси, шунингдек, кўп сонли дронлар учирилганини айтди. Бу Исроилни нишонга олган учинчи операциядир.
Ҳусий ҳукумати бош вазири Абдулазиз бин Ҳабтур Исроил жанубидаги Эйлат томон учирилган дрон, ракеталар “Яман давлатига тегишли” эканини айтди.
“Дронлар, баллистик ва қанотли ракеталардан фойдаланган ҳолда ҳаво ҳужуми араб дунёсининг заифлиги ва Исроил билан тил бириктириши фонида Ғазо халқи олдидаги диний, маънавий, гуманитар ва миллий жавобгарлик туйғуси туфайли амалга оширилди. Яман Қуролли кучлари Исроил агрессиясини тўхтатмагунча ракета ҳужумларини давом эттиради”, — деди Яҳё ас-Сар.
Операцияга “Яман халқининг талаблари” сабаб бўлгани қайд этилди.
Изоҳ (0)