Тошкент шаҳар ИИББ Яшнобод туманида қўшни аёлга куч ишлатган эркак видеоси юзасидан маълумот берди.
Ижтимоий тармоқларда эркак киши аёл кишига қўл кўтаргани акс этган видео тарқалиб, турли муҳокамаларга сабаб бўлди.
Қайд этилишича, 1 июнь куни тахминан соат 17:00 ларда Яшнобод тумани Оҳанграбо кўчасида жойлашган кўп қаватли уйларнинг бирида руҳий-асаб касалликлари диспансерида рўйхатда турувчи 26 ёшли А.А. қўшниси 1986 йилда туғилган Н.Х. ва унинг вояга етмаган фарзандлари билан ўзаро тортишиб қолган. Сўнг А.А. фуқаро Н.Х. ни сочидан судраб куч ишлатган.
Мазкур ҳолат юзасидан Яшнобод тумани ИИО ФМБ томонидан терговга қадар текширув ўтказилмоқда. Фуқаро А.А. руҳий-асаб касалликлари шифохонасига жойлаштирилган. “Текширув якуни бўйича қонуний қарор қабул қилиниши таъминланади”, — дейилади хабарда.
Эслатиб ўтамиз, 2023 йилда Сурхондарёда қайнака онасига “яхши қарамаган” келинини уриб, жағини синдирганди. Шунингдек, Тошкентда 44 ёшли эркак уй талашиб акасини ўлдириб қўйган эди.
Изоҳ (0)