“Уйда ёлғиз” комедиясининг юлдузи Маколей Калкин ҳозир қандай яшайди? 

Маколей Калкин 26 августда 45 ёшга тўлди. Актёр депрессия ва қарамликларни орқада қолдирди, ҳозир у аввало ота, кейин эса актёр ҳисобланади. Кинодаги жуда эрта муваффақият ва бутун дунё бўйлаб машҳурликдан сўнг, ёш Калкин деярли ўн йил давомида кўздан ғойиб бўлди. Ушбу мақолада актёр ҳозирги кунда қандай ҳаёт кечираётани ҳақида сўз боради.

Актёр ёш вақтида болаликни ҳис қилиш имконига эга бўлмаган. “Уйда ёлғиз” юлдузининг отаси билан мураккаб муносабатлари бўлган, у Маколейнинг карьерасини бошқарган ва уни барбод қилган. Шунингдек, 24 ёшида Калкин наркотик сақлашда ҳибсга олинган.

Мила Кунис билан саккиз йилдан ортиқ давом этган муносабатларнинг узилиши эса вазиятни янада оғирлаштирди. ОАВнинг хабар беришича, бир пайтлар тақиқланган моддаларга боғлиқлиги сабабли яқинлари Маколейни мажбуран реабилитация марказига юборган. Кўпчилик актёр ҳаётини назоратга олади ва карьерасини қайта тиклай олади, деб ишонмаган.

Аммо у бунга эриша олди — аввало соғлигини тиклади, сўнгра омма олдида яна пайдо бўлди. Калкин яна рекламаларда суратга туша бошлади, ток-шоуларда иштирок этди. 2019 йилда у “Диндор Жемстонлар” номли комедик сериалда рол ўйнади, шунингдек, Сет Гриннинг “Таиланддаги йигитлар кечаси” номли дебют фильмида ҳам иштирок этди. Айнан шу фильм суратга олиш жараёнида у актриса ва Дисней Channel собиқ юлдузи Бренда Сонг билан муносабат ўрнатди.

Шундан сўнг уларнинг икки ўғли дунёга келди: 2021 йил апрель ойида — Дакота, ва 2022 йил декабрида — Карсон. Жуфтлик 2022 йилда унаштирилган ва ўз оиласини ортиқча эътибордан ҳимоя қилади. Калкин фарзандлар билан шуғулланиш ва уйда қолиш каби ота-оналик масъулиятининг катта қисмини ўз зиммасига олган, шунда Бренда Сонг кўпроқ суратга тушиш имконига эга бўлади.