Олмазор ва Шайхонтоҳур туманларининг айрим ҳудудларида иссиқ сув таъминоти вақтинча тўхтатилади. Бу ҳақда Veolia Energy Таshkent компанияси хабар берди.
Қайд этилишича, иссиқлик тармоқларида авариявий таъмирлаш ишлари олиб борилиши ва тегишли жиҳозларни алмаштириш зарурати туфайли бугун, 3 июнь куни қуйидаги манзилларда иссиқ сув таъминоти вақтинча тўхтатилади:
- Олмазор тумани — Фаробий кўчаси;
- Шайхонтоҳур тумани — Ибн Сино - 1,2, Жарариқ, Белтепа, Ҳувайдо даҳалари.
Иссиқ сув таъминоти таъмирлаш ишлари тугалланиши билан тикланади (тахминан бугун 21:00 гача).
Veolia Energy Таshkent МЧЖ ХК юзага келган ноқулайликлар учун узр сўрайди ва ишларни белгиланган муддатларда якунлаш бўйича зарур чораларни кўради.
Аввалроқ Veolia Energy Таshkent Сергели туманидаги кўчалардан бирида қарийб 1 ой давомида қувур алмаштириш ишлари олиб борилишини маълум қилганди. Шу муносабат билан Сергели туманидаги айрим йўлларнинг қатнов қисми ёпилган.
Изоҳ (0)