Ертўладаги нам қутилардаги кукунли оқ доғлар ёки нам деворлардаги қора споралар уйингизнинг асосий душманлари ҳисобланади.
Моғор намлик таъсири остида бўлган ҳар қандай органик сиртда, шамол яхши айланмайдиган, қуёш нурлари тўғридан тўғри тушмайдиган жойларда пайдо бўлади. Унинг кам миқдори дарҳол зарар етказмайди, лекин назорат қилинмаса, моғор кўпаяди ва жиддий хавф туғдиради. Баъзиларда аллергик ҳолатлар кузатилиши мумкин.
Моғорлашнинг олдини олиш чоралари
- Хонада ортиқча намликни йўқотиш учун ҳаво қуритгични ўрнатинг;
- Чойшаблар, китоблар ва мебелларни нам подвалда сақламанг;
- Намлик чиқиб кетиши учун ҳаммом эшигини доимо очиқ қолдиринг. Ванна сув ўтказмаслиги учун ҳар йили кафеллар орасидаги гроут чизиқларини янгилаш керак.
Моғордан қандай қутулиш лозим?
Моғор аллақачон пайдо бўлганини сезсангиз, ундан халос бўлишга ҳаракат қилиш, ҳеч бўлмаганда тарқалишни секинлаштириш мумкин. Қуйида моғорга қарши курашда муҳим нюанслар келтирилган.
Душ пардаси
Кўпинча айнан душ пардасида моғор пайдо бўлади. Аммо пардани кир машинада мунтазам ювиш орқали бунинг олдини олса бўлади. Сув ҳароратини энг юқори даражага қўйинг ва қўшимча тозалаш учун барабанга икки ёки учта сочиқ қўшинг. Кейин пардани яхшилаб қуритинг. Ёрлиқдаги кўрсатмаларга мувофиқ иш тутинг.
Ҳаммомлар
Ҳаммом деворларида моғор пайдо бўлган бўлса, ушбу воситани синаб кўриш мумкин. Уч стакан хлорли оқартиргични 3,5 литр сув билан аралаштиринг. Резина қўлқоп ва кўзни ҳимоя қилиш воситаларини кийинг. Аралашманинг бошқа сиртларга тушмаслигига ишонч ҳосил қилган ҳолда, моғорни қаттиқ чўтка билан артиб олиш керак. Қўллашдан бир неча дақиқа ўтгач, жойларни сув билан ювиб ташланг ва яхшилаб қуритинг.
Унутиб қолдирилган ҳўл кийим-кечаклар
Ҳаммомнинг бурчагида тасодифан ҳўл сочиқ ёки нам футболка унутиб қолдирилган, энди улар устида моғор споралари пайдо бўлган. Даставвал, буюмни қуёшда қуритинг ва моғорни қаттиқ чўтка билан артиб кўринг. Кейин уни хлорли оқартиргич билан ювинг, яхшилаб чайиб ташланг.
Матраслар ёки юмшоқ мебеллар
Матрас ва юмшоқ мебелларга қопланган моғордан халос бўлиш учун ишни буюмлар сиртини яхшилаб чангдан тозалашдан бошланг, сўнг моғор споралари ҳавога тарқамаслиги учун дарҳол чангютгич билан қайтадан тозаланг. Кейин матрас ёки диванни спиртли эритма (1 стакан илиқ сувга 1 стакан спирт) билан намланган мато билан артиб олинг. Мебелни тозалашдан кейин ҳам чириётган ҳид ёки моғор доғлари сақланиб қолса, ундан халос бўлиш лозим.
Бўялган деворлар
Эритма ёрдам беради: 3,5 литр сувга бир стакан оқартиргичнинг тўртдан уч қисмини аралаштиринг. Деворга резина қўлқоп кийган ҳолда юмшоқ чўтка билан суртиб чиқинг. Сўнг 15 дақиқа кутиб, сўнгра жойни сув билан артиб олинг. Маълум вақт давомида фен билан яхшилаб қуритинг.
Эски китоблар
Қуёшли кунда очиқ ҳавода китоб саҳифаларини камида уч соат қуритинг. Кейин саҳифаларни аввал қуруқ мато билан, кейин эса 1:4 нисбатда хлорли оқартирувчини сув эритмасига ботирилган юмшоқ мато билан артиб олинг. Лозим бўлса, такрорланг. Китобни яна очиқ ҳавода қуритиб олинг. Жараённи тезлаштириш учун истеъмол содасини ишлатишингиз мумкин: у ҳам намликни ўзига яхши тортиб олади.
Мавзуга доир:
Изоҳ (0)