Uyda yoqimsiz hid paydo bo‘lsa, birinchi navbatda nimalarni tekshirish kerak?
Eski kir yuvish mashinasi yoki yangi mebel ham yoqimsiz hid manbai bo‘lishi mumkin, deb yozadi Lifehacker.
Foto: Lifehacker Ko‘pchilik uyida hashamatli mehmonxonalar kabi yoqimli hid taralib turishini xohlaydi. Shuning uchun o‘ziga xos hid berish haqida o‘ylaydi va hatto buni amalga oshirish uchun bir necha usullardan foydalanadi. Afsuski, bu doim ham ish bermaydi. Agar uyda yoqimsiz hidlar paydo bo‘lsa, birinchi navbatda qanday joylarga e’tibor berish kerak?
Chiqindi qutisi
Maslahat aniq, axir har qanday chiqindi qutisidan yoqimsiz hid keladi. Bu uni muntazam ravishda tozalab turish kerakligi bilan bog‘liq. Chiqindi ichida ortiqcha suyuqlik va mayda narsalar qolishi mumkin, bu yomon hidning asosiy sababi bo‘lib, chiqindini chiqarib tashlagandan keyin ham ma’lum fursatgacha uyda saqlanib qoladi.
Kir kiyimlar savati
Ularni hammomda saqlamaslik kerak, yotoqxonaga yoki shkafga qo‘yish mumkin. Muayyan namlik bilan bakteriyalar faol ravishda rivojlana boshlaydi, shuning uchun yoqimsiz hid paydo bo‘ladi. Shuning uchun kirlarni vaqtida yuvish tavsiya etiladi.
Choyshablar
Uydagi yoqimsiz hidning eng murosasiz dushmanlari orasida choyshablar ham bor. Ular inson teri va tanasining boshqa tabiiy sekretsiyalari bilan to‘yingan bo‘ladi. Agar ertalab dush qabul qilinsa, har hafta choyshabni yuvish yoki kechqurun yotishdan oldin amalga oshirilsa, har ikki haftada yuvish tavsiya etiladi.
Kir yuvish mashinasi
Doimiy ravishda suv bilan aloqa qiladigan uskunalarda mog‘or paydo bo‘lishi mumkin va bu hidli bakteriyalar uchun ideal muhitdir. Kir yuvish mashinasi eshigi har safar ochilganda va yopilganda yuvish davridagi namlik ichkarida qoladi. Xuddi shu narsa kukun solinadigan idishga ham tegishli — bu ham mog‘orning yana bir sevimli joyi. Muammolarning oldini olish uchun har doim yuvishdan keyin mashinaning eshigini kamida bir necha soat ochiq qoldirish lozim.
Idish yuvish mashinasi
Bu ham kir yuvish mashinasi kabi mog‘or va yoqimsiz hid paydo bo‘lishi uchun ajoyib joy. Ayniqsa idish yuvish mashinasi ishlatilgan plitalarda qolgan oziq-ovqat bo‘laklari yoqimsiz hid keltirib chiqaradi.
Qurilmaning ichki qismini muntazam tozalash uchun idish-tovoqsiz quritish rejimini ishga tushirishni unutmaslik lozim. Agar mashina ichidagi savatlarni mog‘or bossa, ularni maxsus eritma bilan yuvish tavsiya etiladi.
Yangi mebel
Ehtimol, yangi mebeldan keladigan hidning zararli tomoni yo‘q deb o‘ylashingiz mumkin. Biroq u ham sog‘liq uchun xavf tug‘diradi. Aslida uchuvchan organik birikmalar mebelning o‘ziga xos hid beradi. AQSH atrof-muhitni muhofaza qilish agentligining ta’kidlashicha, bu bosh og‘rig‘iga sabab bo‘lishi, ko‘zlar, burun va tomoqni bezovta qilishi, hatto jigar va buyraklarga zarar yetkazadi.
Uchuvchi birikmalardan xalos bo‘lishning eng samarali usuli bu kislorod filtrlaydigan havo tozalagichdan foydalanishdir. Agar yangi mebelning kuchli hidi bir oydan keyin ham yo‘q bo‘lmasa, ularni sotib olgan joyga qaytarish lozim.
Mavzuga doir:
