Ҳар куни мазали ва турфа хил таом тайёрлаш бекажонларнинг энг биринчи вазифасидир. Чунки оила аъзоларини нонушта, тушлик ва кечки овқатсиз қолдириб бўлмайди. Бекажонларга ёрдам тариқасида тезроқ ҳамда таомларни осон пиширишда қўл келадиган лайфхакларни тақдим этамиз.
.jpg)
Макаронни товада пиширинг
Макарон маҳсулотини пишириш учун узоқ вақт сув қайнатиб ўтириш шарт эмас. Шунчаки товага совуқ сув қуйилади ҳамда макарон маҳсулотидан кераклича қўшилади. Маҳсулот бошқа идишдагига нисбатан тезроқ пишади ва бир-бирига ёпишиб кетмайди.
Фото: The Voicep
Дон ва дуккакли маҳсулотларни ивитиш
Донли ва дуккакли маҳсулотларни ивитиш орқали уларнинг таркибидаги танада сўрилмайдиган фитин кислотасидан халос бўлиш мумкин. Шунингдек, сувга бўктирилган маҳсулотлар тез пишиши билан янада вақтни тежайди.
Фото: The Voice
Ортиқчасини музлатиш мумкин
Жуда кўп пишириб юборилган маҳсулотларни музхонада сақлаш мумкин. Кейинчалик ҳафта давомида оз-оздан ишлатишга қулай бўлади ва бу орқали таом тезроқ тайёрланади.
Фото: The Voice
Сабзавот ва меваларни музлатиб қўйинг
Ҳар қандай таом учун тайёрланган сабзавотларни махсус идишларга солиб музлатиб қўйиш мумкин. Кейинги сафар уларни тозалаб ва тўғраб ўтириш учун вақт кетмайди. Шунингдек, мевалар ҳам сифатини ўзгартирмаслиги учун музлатиб қўйиш тавсия этилади.
Фото: The Voice
Таомга саримсоқни охирида қўшинг
Олдиндан тозаланган саримсоқни таомга охирида қўшиш тавсия этилади. Чунки таомни қовуриш вақтида қўшилган саримсоқ унга аччиқ маза бериш мумкин. Шунингдек, саримсоқ таркибида аллин ва энзим ферментлари мавжуд бўлиб, улар фойдали аллицин бирикмасини ҳосил қилади. Саримсоқ тозаланганмагунча ферментлар бир-бирдан ажралиб туради. Шунинг учун уларни эртароқ тозалаган маъқул.
Гўштни металл идишда музлатинг
Гўшт маҳсулотларини муздан эритиш учун кўпчилик микротўлқинли печдан фойдаланади. Шунинг учун уларни музлатишда металл идишдан фойдаланиш яхшироқ. Сабаби металл чинни ёки керамикага қараганда тезроқ қизийди ва маҳсулотни эритишда кам вақт талаб этади.
.jpg)
Занжабилнинг “ёши”ни танланг
Занжабил таъмини ёқтирувчилар уларни тозалашни хоҳламаса, иложи борича “ёши”ни танлаши керак. “Ёш” илдизни шунчаки қирғичдан ўтказиш ҳам осон.
.jpg)
Аччиқ гармдорини музлатиб қўйинг
Одатда гармдори бутунлигича таомга солинади ҳамда у шундайлигича қолади. Уларни исроф қилмаслик учун махсус идишга солиб, музлатиб қўйиш мумкин. Кейинги сафар таом учун яна ишлатиш самара беради.
Сабзавотларни тозаламанг
Шўрва ёки рагу учун сабзавотлар пўстини қалин тозалаш шарт эмас. Шунчаки яхшилаб ювилиб, юпқа пўстини олиш керак. Шунда улар ўзида кўпроқ фойдали моддаларни сақлаб қолади.
Фото: The Voice
Тухум сариғини оқидан ичимлик идиши ёрдамида ажратинг
Турли хил ширинликлар тайёрлашда тухум сариғини оқидан ажратишга тўғри келади. Бунинг учун шунчаки тоза ичимлик идиши керак бўлади. Чақилган тухум устига ичимлик идишини келтириб, уни бир бора сиқиб олиш керак. Жараён бор-йўғи икки сонияни талаб этади ва тухум сариғи ажралиб чиқади.
Изоҳ (0)