Аёлларнинг баъзилари ўзларидаги майда ноқулайликларга дош берадилар, гарчи бу ноқулайлик ташқаридан сезилмаса ҳам, уларни қаттиқ безовта қилади. Ҳар гал бу муаммоларга мустақил ечим излаш ўрнига, бошқа бировнинг тажрибасини қўллаб кўриш фойдали бўлиши мумкин. Кўпгина топилмалар нафақат вақт, куч ва пулни тежашга, балки ён-атрофдаги нарсаларга бўлган муносабатни ҳам ўзгартиришга ёрдам беради. Қуйида ана шундай маслаҳатлар кетма-кетлиги билан танишинг.
Идиш ювиш қўлқопларини кийишдан аввал вазелин ёки қўл кремини одатдагидан кўпроқ миқдорда суртинг
Агар сиз қўл терисини одатдагидан яхшироқ парвариш қилишни истасангиз-у, лекин гўзаллик салонига боришга вақт бўлмаса, бу ишни ошхонада қойилмақом тарзда амалга ошириш мумкин. Бунинг учун сизга фақатгина вазелин ёки ёғли лосьон ва резина қўлқоплар керак бўлади. Улардан қўлларингизга кўп миқдорда суртиб, идишларни иссиқ сувда қўлқоп билан ювишингиз керак. Шундан сўнг, қўллар силлиқ ва юмшоқ бўлади. Бу билан сиз қўлларингиз терисини ажойиб усулда парвариш қилган бўласиз, баҳонада ошхонада ювиқсиз идишлар қолмайди.
Терини безовта қиладиган заргарлик буюмларини шаффоф бўёқ билан бўянг
- Фото: “Адме.медиа”
Айрим заргарлик буюмларидаги металл терига зиён етказиши мумкин. Айниқса, улар арзон материаллардан тайёрланган бўлса, тез-тез содир бўлади. Аммо бу бежирим ва севимли аксессуарлардан воз кечиш учун сабаб бўла олмаслиги керак. Нозик терини ҳимоя қилиш учун сиз заргарлик буюмларининг безовта қилувчи қисмларини шаффоф бўёқ ёки лак билан қоплашингиз мумкин.
Қадоқда қолган крем юқини қопқоқ ёрдамида сиқиб чиқаринг
- Фото: “Адме.медиа”
Тугаган крем қадоғини ташлаб юбориш вақти келгандек туюлса ҳам, қадоқ ичида жуда кўп миқдорда крем қолган бўлиши мумкин. Кремнинг қолган қисмини қопқоқ ёрдамида осонгина сиқиб чиқариб, севимли воситангиз билан хайрлашишни кечиктиришнинг имкони бор. Бунинг учун қадоқни юқори қисмидан кесиб олинг, қопқоғини қадоқ ичкарисига жойланг қўйинг ва юқорига қараб босинг.
Кийимларни илгичга жойлашнинг осон йўли
- Фото: “Адме.медиа”
Илгичга кийимларни елкама-елка қилиб жойлаш ўта қизиқарли иш эмас. Интернет ушбу тартибни соддалаштирадиган усулни ўргатади. Бунинг учун кийимларни томоқ томонидан қўлингизга илинг, сўнгра илгакни олиб қўлингиздаги кийимларни бирма-бир унга ўтказинг.
Ишлатилган лаб бўёғи билан юзингиз учун муз таёқчасини ясанг
- Фото: “Адме.медиа”
Агар лаб бўёғи тугаган бўлса, ундан фойдаланшни давом эттиришингиз мумкин. Тўғри, лаб бўёғи сифатида эмас, бошқача тарзда. Бунинг учун бўшаган ички цилиндрга озгина сув қуйилади ва музлатилади. Натижада юз учун қулай совутиш таёқчаси ҳосил бўлади. Бундай буюмни ушлаб туриш муз бўлагига қараганда анча осон ва қулайроқдир.
Заргарлик буюмларини уйда топиладиган воситалар билан тозаланг
- Фото: “Адме.медиа”
Заргарлик буюмларини ярқираб туриши учун уларни заргарлар ҳам, оддий одамлар ҳам маслаҳат берадиган арзон маҳсулотлар билан тозалаш мумкин. Заргарлик буюмларини тозалашнинг энг осон йўлларидан бири — идиш-товоқни ювишга мўлжалланган восита ва юмшоқ тиш чўткасидан фойдаланишдир. Бундан ташқари, цирка ва лимон сувини қўшсангиз мумкин: улар ажойиб натижа учун ишлайди.
Лимон бўлагини идиш ювиш машинасига жойланг
- Фото: “Адме.медиа”
Идиш ювиш машинаси идишларни янада тоза ювиши учун дастурни ишга туширишдан аввал идиш ювиш контейнерига бир бўлак лимон пўстлоғини жойлаб қўйинг. Табиий лимон кислотаси буюмларни тозалайди ва идиш-товоқларнинг ярақлаб туришига сабаб бўлади. Бундан ташқари, бунинг натижасида техникангиз хушбўй табиий ҳидга эга бўлади.
Кондиционер ўрнига цирка кислотаси
- Фото: “Адме.медиа”
Баъзан кондиционер (матоларни юмшатувчи) сочиқларда тўпланиб қолади. Шунинг учун, кир юваётганда сиз кондиционер ўрнига цирка кислотасини оз миқдорда қўшиб юборишингиз мумкин. Қолаверса, ювилган нарсаларга цирка ҳиди уриб қолмайди. Ушбу оддий тозалаш воситаси ошхона сочиқлари ва рўмолчаларни ҳам самарали тозалайди. Кир ювиш машинасини ойига бир марта цирка билан максимал ҳароратда ишга тушириш эса ускуна ичида бадбўй ҳидларнинг тўпланишига қарши ўзига хос профилактика бўлиб хизмат қилади.
Мавзуга доир:
Изоҳ (0)