Семириб кетмаслик учун ширинликни қайси вақтда истеъмол қилса бўлади?
Биз истеъмол қилаётган нарсалар ташқи кўринишимиз ва ўзимизни яхши ҳис қилишимиз учун жуда муҳим. Аммо баъзида озиқ-овқат истеъмол қилинган вақт ҳам муҳим аҳамиятга эга. Айниқса, бу ширинлик масаласида бўлса, уни ҳар қандай вақтда истеъмол қилиб бўлмаслигини унутмаслик керак.
Нима сабабдан болалигимизда ширинликларни фақат шўрвадан ёки иссиқ таомдан кейин истеъмол қилишга рухсат берилган? Бунинг жуда аниқ сабаби бор. Агар сиз асосий овқатни истеъмол қилганингиздан икки соат кейин ширинлик есангиз, шакарни парчалаши керак бўлган метаболизм таомдан сўнг яхши ишлайди. Агар охирги марта овқатланганингиздан кейин 2-3 соатдан камроқ вақт ичида овқат ҳазм қилиш тизимини безовта қилсангиз, у етарли даражада дам олмайди.
Бу эпизодлар вақти-вақти билан рўй берса, яхши, бироқ сиз буни қайта-қайта такрорласангиз, организмингиздаги шакар алмашинувини сусайтиришингиз ва инсулинга чидамли бўлишингиз мумкин, бу эса узоқ муддатда қандли диабетдан олдинги ҳолатни ёки диабет юзага келганини англатади. Ҳеч ким бундай оқибатларни хоҳламайди. Шунинг учун энг оқилона вариант — тўйимли ва соғлом овқатланишдан кейин ширинлик истеъмол қилган маъқул.
Ҳар доим ширинликлардан воз кечиш мумкин, деб ўйлаш хато. Баъзида шакар вақтинчалик ёмон кайфият, концентрациянинг етишмаслиги ёки паст чидамлилик билан курашишга ёрдам беради. Бундан ташқари, ширинликлар ёқимли таъмга эга.
Баъзан ширинликларга бўлган эҳтиёжга қарши туришнинг иложи йўқ. Одатда бирор нарсадан узоқроқ туришга қанчалик кўп ҳаракат қилсангиз, уни олишни шунчалик орзу қиласиз. Бундан ташқари, у соғлиқ учун мутлақо хавфсиз бўлмаслиги мумкин. Шундай қилиб, ширинликлардан қочишга ҳаракат қилиш ўрнига, уларни ёқтиришингизни тан олинг ва вақти-вақти билан, лекин ҳар доим асосий таомдан кейин организмингизда нохуш оқибатлар юзага келмаслиги учун ширинлик истеъмол қилинг.
Агар сиз ширинликни хоҳлаб, асосий таомни ейишни истамасангиз-чи? Ўзингизни назорат қила олмасангиз ва шунчаки ширин нарса истеъмол қилмоқчи бўлсангиз, унда ҳар доим оқсил ва ёғли вариантларни танланг. Бу ҳолатда ширинлик юқорида айтиб ўтилган сабабларга кўра фойдалироқ бўлади. Масалан, брауни ёки шоколад ўрнига музқаймоқни танланг. Бироқ, сифат организмга таъсир қилмаслиги учун ушбу маҳсулотни диққат билан танлашга ҳаракат қилинг.
Ширинлик истеъмол қилишнинг зарарини камайтариш учун нима қилиш керак? Агар асосий овқатдан кейин ширин нарса ейишингизни аниқ билсангиз, ширинликка жой бўшатиш учун менюнгизни бироз қисқартиринг. Танлаган таомингиздан қўшимча углеводлар ва шакарни тўлдириш учун одатдагидан камроқ углеводларни истеъмол қилинг.
