Нотўғри танланган ранг ёки қўллаш техникаси бутун макияжни бузиши мумкин. Лабни бўяшда ҳеч қандай мураккаб нарса йўқдек туюлади: танланган маҳсулотни қўллайсиз ва чиройлироқ кўриниши учун контурдан фойдаланасиз. Бироқ жуда кам ҳолларда лаблар чиройли, хатосиз бўялади. Marie Claire нашри макияж билан бирга лабларни ингичка кўрсатувчи хатоликлар ҳақида маълумот берди.
Тонал кремдан фойдаланиш
Лабларда “макияжсиз макияж” эффектини яратишда қизлар кўпинча тери рангдаги лаб бўёғини эмас, балки консилер ёки тонал кремни қўллашади. Бу энг ёмон хатолардан бири: текстурали маҳсулотлар умуман лабларга суртиш учун мўлжалланмаган. Юзнинг энг ҳаракатчан жойларидан бири лаблар бўлиб, маҳсулот теридаги ёриқларга кирганда, унинг релефидаги барча ўзгаришларни аниқ кўрсатиб, бурмалар ҳосил қилади.
Натижада ингичка кўринадиган, тартибсиз, дағал лаблар пайдо бўлади. Бундан ташқари, бу маҳсулотлар лаблар терисини, айниқса, тўқималарни қуритади. Тоза лабларга лаб бўёғини суртганингиз маъқул.
Тўқ рангли лаб бўёғи
Дўконга лаб бўёғи олишга борганда сиз фақат унинг рангига эътибор бера олмайсиз. Бундай ҳолатда лабларингизнинг структуравий хусусиятларини — уларнинг шакли, контури, ўлчамини ҳисобга олинг. Ҳар доим ёдда тутинг, қуюқ лаб бўёғининг бинафшаранг, тўқ бинафшаранг, очиқ пуштиранг ва жигаррангдагилари лабларни визуал равишда ингичка қилиб кўрсатади.
Шунинг учун ёрқин ва енгил очиқ рангдаги лаб бўёқларини танланг. Бироқ, шунга қарамай, синаб кўришни истасангиз, лаб бўёғига мос келадиган қаламдан фойдаланинг ва лаб контурини 1-2 миллиметрга ўтказиб чизинг, кейин лабларнинг бутун юзасини лаб бўёғи билан тўлдиринг — бу усул уларнинг чиройли кўринишини таъминлайди.
Қуруқ лаблар
Лаблар териси жуда нозик ва юпқа бўлиб, кундалик парваришсиз лаблар қуруқ бўлиб қолади, бу ҳолатда ҳар қандай лаб бўёғи чиройли кўринишга эга бўлишга ёрдам бера олмайди.
Кўпгина лаб бўёқлари таркибида намловчи моддалар мавжуд, бироқ бу қиш мавсумига келганда етарли бўлмайди. Шунинг учун эрталаб, лаб бўёғини қўллашдан олдин унга озиқлантирувчи балзам ёки гигиеник лаб бўёғини қўлланг. Агар бу маҳсулотлар бўлмаса, оддий юз кремидан ҳам фойдаланишингиз мумкин. Воситаларни қўллаганингиздан кейин бир неча дақиқа кутинг, кейин лабларингизни рўмолча билан артиб олинг ва шундан кейин лаб бўёғини суртинг.
Лаб чизиқлари ичидаги контур
Лабларни визуал қисқа кўрсатадиган кенг тарқалган хато — бу табиий чегаралар ичида қалам билан контурни чизиш. Бу эса кўпгина қизларнинг лабларида кам сезилади, шунинг учун улар лаб қаламларини ишлатадиган косметик воситалари қаторидан чиқариб ташлайди. Агар лаб бўёғини ишлатишга қарор қилсангиз, қалам ҳақида ҳам унутманг. Лаблар шаклини тузатиш ва мукаммал контурни яратиш учун фақат қалам керак бўлади.
Қалам билан лабларнинг табиий контуридан 1-2 миллиметр чиқариб чизишга ҳаракат қилинг, сўнгра лабларнинг бутун юзасини лаб бўёғи билан тўлдиринг, бу усул лабларнинг чиройли кўринишига ёрдам беради. Лаб бўёғи узоқроқ туриши учун сиз маҳсулотни нафақат контурда қўллашингиз, балки ички бўшлиқни ҳам у билан бўяшингиз мумкин. Шу билан, лаб бўёғи кун бўйи сақланиб туради.
Суюқ лаб бўёғи
Суюқ лаб бўёғида максимал пигмент ва минимал намловчи қўшимчалар мавжуд, унинг камчиликлари — лабларни қуритади ва сезиларли даражада ингичка қилади. Шунинг учун, сиз ундан бошқача суюқ лаб бўёғи сифатини кутмаслигингиз керак. Намлантирувчи лаб бўёғи мавжуд эмас.
Деградация эффекти
Сиз ушбу услубни Кореялик мода аёлларида кўришингиз мумкин, улар лабларнинг ички юзасини доимий бўёқлар ёки лаб бўёғи билан бўяйди ва ташқи юзани консилер билан бўяш орқали чиройли лаблар иллюзиясига эришади. Ушбу техника туфайли лаблар аввалгисидан анча нозикроқ кўринади.
Лабларнинг чиройли кўриниши учун лаб бўёғини бармоқларингиз билан ишқалаб суртишингиз керак. Шу орқали лаблар контури бироз хира бўлади ва уларни визуал равишда каттароқ қилиб кўрсатади.
Изоҳ (0)