Кийим-кечакларни ёрқин, янгидек сақлаш учун уларни ювиш вақтида шикастланиш ва хиралашишдан асраш керак. Қуйидаги оддий қоидаларга риоя қилинг, нарсаларингиз узоқ вақт ранги ва шаклини сақлаб қолади.
Дўкондаги каби тахланг
Кийим-кечакларни илгичга илганда ҳам, шунчаки шкафларга жойлаётган пайтда ҳам уларни кийим дўконларида бўлгани каби тахланг.
Ранги ўчишининг олдини олинг
Кир ювиш машинасига тўқ рангли кирларни жойласангиз, хиралашишга қарши махсус ишлаб чиқарилган маҳсулотлардан фойдаланишга ҳаракат қилинг. Бундай маҳсулотларнинг формуласи матоларда ёрқин рангларни сақлайдиган, сувдаги хлорид ионларини фаолсизлантирадиган моддаларни ўз ичига олади. Натижада, кийимлар яхши кўринишини узоқ вақт сақлаб қолади. Ҳозирда бундай воситаларни топиш қийин эмас.
Айрим матоларни кучли ишқаламанг, қаттиқ сиқманг
Бу қоида фақат ёрлиқда қўлда ювилиши тавсия этилган барча нозик нарсаларга тегишли. Кир ювиш воситасини илиқ сувга аралаштиринг ва буюмни бир неча дақиқага ботириб қўйинг. Қаттиқ ишқалаш ва ювиш керак эмас, чунки матонинг толаларига зарар етказиб қўясиз. Кўпик толалар орасидан ўтиши учун енгилгина сиқиб қўйиш кифоя. Бувиларимиз ўргатганидек қаттиқ бураш, сиқиш, шунингдек, кучли сув босими остида чайиш матони чўзади ва деформация қилади.
Зарарлардан узоқ тутинг
- Кийимнинг айрим қисмлари: енглар, ён бош томонида “катушка” пайдо бўлиши билан уларни тозалаб туринг. Энг қулай вариантлардан бири оддий аккумуляторли тозалаш воситасидир.
- Шкафда кийим-кечаклар бир-бирига ёпишиб аралашиб қолишининг олдини олиш учун тугмачали, занжирли ва ҳоказоларни алоҳида сақланг. Бундан ташқари, илиниб қолиш осон бўлган кийимлар билан ўткир деталлар, билагузук, тақинчоқ ва қиррали узуклар тақманг.
- Тўрли кир ювиш қопчаларидан фойдаланинг. Ҳар доим пайпоқлар, боғичларни махсус тўрли қопчаларга солиб ювинг, йўқса улар ювиш жараёнида чигаллашиб, йиртилиб кетиши мумкин.
Кир машинасида ювилган майда нарсаларни унутиб қолдирманг
Кир ювилганидан кейин машинада жуда узоқ вақт қолдирилган нарса бўлса намнинг ёқимсиз ҳиди пайдо бўла бошлайди. Унутиб қолдирилган нарсани олиб ташлашдан аввал қўшимча чайиш дастурини мато юмшаткич ёки бир неча томчи эфир мойи қўшиб бошланг.
Танаффус қилинг
Кийимларни ювмаслик учун буғ дастуридан фойдаланинг. Бу оддий қайнатиш ёки иссиқ сувда ювишдан кўра анча юмшоқроқ, кийим-кечакларни дезинфекция қилади ва ёқимсиз ҳидлардан халос этади. Агар бундай дастур бўлмаса ҳам машина қуритгич билан жиҳозланган бўлса, фақат ювилиши керак бўлган нарсаларни кир ювиш қисмига солиб, барабанга нам, тоза мато қўйинг. Қуритиш пайтида буғ ҳам ёқимсиз ҳидларни йўқ қилади.
Кир ювиш машинангизни асраб-авайланг
Кўпинча кукун ва кондиционер бўлинмаси тез-тез тозалаб туришни талаб қилади. Вақти-вақти билан сиз уни чиқариб олиб оқиб турган водопровод сувида ювишингиз керак. Барабанда моғор пайдо бўлишининг олдини олиш учун ҳар ювишдан кейин қопқоғини ёпманг, уни қуритинг. Йилига бир неча марта ювиш дастурини кирларсиз, энг юқори ҳароратда, кукун диспансерига бир стакан стол циркасини қўшиб юборган ҳолда ёқинг.
Теннис тўплари
Ёстиқлар, кўрпа-тўшаклар, адёл ёки сочиқларни ювишда машинанинг барабанига икки ёки учта теннис тўпчасини солиб қўйинг. Барабан айланаётганда, тўплар бир-бирига урилади, бу эса ювилаётган нарсаларнинг юмшоқ ва пахмоқ бўлишига ёрдам беради.
Пайпоқ савати
Шкафда кўп жой бўлмаса, ювишдан кейин барча пайпоқларни солиб қўйишингиз мумкин бўлган саватни олинг. Бу жуда қулай, чунки бўш вақтингизни беҳуда сарфлаб, уларни жуфт-жуфт қилиб ажратишингиз шарт эмас. Қолаверса, йўқолган пайпоқни қаердан қидириш кераклиги ҳар доим аниқ бўлади.
Вақтни тежанг
Дазмол қилиниши керак бўлган кирлар кўп тўпланса унда, албатта, буғли дазмол ишлатишингиз анча қулайдир. Сув идиши катта бўлган моделларни танланг.
Қолдиқларни тозаланг
Ёдда тутингки, вақт ўтиши билан дазмолнинг тешикларида куйган қолдиқ ва шкалалар тўпланиб, ювилган буюмни расво қилиши, жигарранг доғлар қолдириши мумкин. Дазмолни мунтазам тозалашга ҳаракат қилинг. Кўрсатмаларга мувофиқ — ойига камида бир марта. Дазмолни сув билан суюлтирилган сода билан тозалаш мумкин. Унинг ички қисмини тозалаш учун идишига цирка солинган сув қуйиб, буғ тугмасини ёқиб, 5 дақиқа давомида тоза мато ёки салфеткани дазмолланг. Жараённи тугатгач, идишдаги қолган сувни тўкиб ташласангиз, қолдиқлар миқдори анча камаяди.
Камроқ ғижим
- Аввал нозик нарсалар. Маълумки, дазмолни иситиш учун совитишдан кўра камроқ вақт керак бўлади. Шунинг учун, ишни енгил матоларни дазмоллашдан бошланг: минимал ҳароратда дазмоллашни пахтали матолар билан тугатинг. Акс ҳолда, мато чидамсизлиги оқибатида ёниб кетиш хавфи бор.
- Қаттиқроқ ушланг. Кийимни яхшироқ текислаш учун аввал этагини тўғрилаб олинг, сўнгра олдиндан тўғри шакл бериб, қирраларни аста-секин билан чўзинг.
- Тугмалар атрофи. Нима учун дазмол билан таглик орасида бўшлиқ бўлишини биласизми? Фақат тугмалар атрофида дазмолни осон ҳаракатлантириш учун.
Мавзуга доир:
Изоҳ (0)