Хуштаъм «Чумоли уяси» салатини тайёрлаб кўринг

Товуқ гўшти ва қизартириб қовурилган картошкадан тайёрланадиган салат мазали таъмга эга ва сизга ҳам аниқ ёқади. «Чумоли уяси» кўринишидаги салатни безатишда ўзингизга ёққан кўкатлардан фойдаланишингиз мумкин.

Керакли масаллиқлар:

• товуқ оёқчалари — 2 дона
• помидор — 2 дона
• бодринг — 1-2 дона
• пишлоқ — 100 г
• укроп — таъбга кўра
• саримсоқ — 1 донача
• картошка — 3 дона
• ўсимлик ёғи — 150 мл
• туз — таъбга кўра
• майонез — таъбга кўра

1. Товуқ гўштини 25 дақиқа қайнатиб, совутиб олинг. Филени суяклардан ажратинг ва унчалик катта бўлмаган бўлакларга бўлиб тўғранг.
2. Помидорларни майда бўлакларга, бодрингни узунасига кесиб олинг. Пишлоқни катта тишли, саримсоқни эса майда тишли қирғичдан ўтказинг. Укропни тўғранг.
3. Картошкани қирғичдан ўтказинг ёки майда қилиб узунасига тўғраб олинг.
4. Ёғни ўртача оловда товада қиздириб олинг. Картошкани қизаргунга қадар қовуриб олинг. Уни қоғоз сочиқ устига қўйинг устига бироз туз сепинг.
5. Майда тўғралган помидор, бодринг ва товуқ гўштини саримсоқ билан аралаштиринг. Ҳамма маҳсулотларни қўшиб бўлганингиздан кейин уларнинг устига майонез солинг.
6. Салатнинг устига пишлоқ ва қовурилган картошкани солинг. «Чумоли уяси»ни укроп билан безатиб дастурхонга тортинг.

Мавзуга доир:

• Мол гўшти ва картошкадан мазали таом тайёрлаймиз.
• Колбаса, пишлоқ ва помидор қўшиб печда пишириладиган мазали лаваш рецепти.
• Долчин ва майиздан мазали булочка тайёрлаймиз.
• Мол гўшти ва ёнғоқ қўшиб тайёрланадиган грузинча шўрва — харчо рецепти.