Xushta’m “Chumoli uyasi” salatini tayyorlab ko‘ring

Tovuq go‘shti va qizartirib qovurilgan kartoshkadan tayyorlanadigan salat mazali ta’mga ega va sizga ham aniq yoqadi. “Chumoli uyasi” ko‘rinishidagi salatni bezatishda o‘zingizga yoqqan ko‘katlardan foydalanishingiz mumkin.

Kerakli masalliqlar:

• tovuq oyoqchalari — 2 dona
• pomidor — 2 dona
• bodring — 1-2 dona
• pishloq — 100 g
• ukrop — ta’bga ko‘ra
• sarimsoq — 1 donacha
• kartoshka — 3 dona
• o‘simlik yog‘i — 150 ml
• tuz — ta’bga ko‘ra
• mayonez — ta’bga ko‘ra

1. Tovuq go‘shtini 25 daqiqa qaynatib, sovutib oling. Fileni suyaklardan ajrating va unchalik katta bo‘lmagan bo‘laklarga bo‘lib to‘g‘rang.
2. Pomidorlarni mayda bo‘laklarga, bodringni uzunasiga kesib oling. Pishloqni katta tishli, sarimsoqni esa mayda tishli qirg‘ichdan o‘tkazing. Ukropni to‘g‘rang.
3. Kartoshkani qirg‘ichdan o‘tkazing yoki mayda qilib uzunasiga to‘g‘rab oling.
4. Yog‘ni o‘rtacha olovda tovada qizdirib oling. Kartoshkani qizargunga qadar qovurib oling. Uni qog‘oz sochiq ustiga qo‘ying ustiga biroz tuz seping.
5. Mayda to‘g‘ralgan pomidor, bodring va tovuq go‘shtini sarimsoq bilan aralashtiring. Hamma mahsulotlarni qo‘shib bo‘lganingizdan keyin ularning ustiga mayonez soling.
6. Salatning ustiga pishloq va qovurilgan kartoshkani soling. “Chumoli uyasi”ni ukrop bilan bezatib dasturxonga torting.

Mavzuga doir:

• Mol go‘shti va kartoshkadan mazali taom tayyorlaymiz.
• Kolbasa, pishloq va pomidor qo‘shib pechda pishiriladigan mazali lavash retsepti.
• Dolchin va mayizdan mazali bulochka tayyorlaymiz.
• Mol go‘shti va yong‘oq qo‘shib tayyorlanadigan gruzincha sho‘rva — xarcho retsepti.