Творогли мазали эклер ширинлигини тайёрлаймиз

Творог қўшиб тайёрланадиган ширинлик мазали таъмга эга. Пишириққа творогнинг ўрнига мураббо ёки мевали крем қўшиб тайёрласангиз ҳам бўлади.

Хамири учун керакли масаллиқлар:

• сариёғ — 100 г
• сут — 250 мл
• туз — ярим қошиқ
• ун  — 150 г
•  тухум — 5 дона

• творог — 350 г
• ванилин — икки қошиқ
• шакар кукуни — 160 г ва устига сепиш учун 
• сариёғ — 120 г

1. Ўртача катталикдаги идишга ўсимлик ёғи, сут ва туз қўшиб аралаштиринг. Уни ўртача баландликдаги оловга қўйиб қайнатиб олинг.
2. Маҳсулотларга унни қўшинг. Уни 2-3 дақиқа давомида аралаштириб, хамир бўлгунча ва пастки қисмида оқ қоплама ҳосил бўлгунча пиширинг.
3. Хамирни бошқа идишга солинг ва 10-15 дақиқа совишини кутинг.
4. Хамирга бирма-бир тухумни қўшинг, массани ёғоч катта қошиқ билан секин аралаштиринг. Кейинги тухумни солинган тухум аралашиб кетгандан кейин қўшинг.
5. Печни 200 даража ҳароратда қиздиришга қўйинг. Листни пергамент қоғоз билан қопланг.
6. Хамирни учи «юлдузча» шаклидаги қолипга қуйиб олинг. Пергамент қоғозга 10 см узунликдаги хамир чизиқларини қўйинг, улар орасида 3-4 см масофа қолдиринг.
7. Ширинликни 25-30 дақиқа давомида қизаргунга қадар печда пишириб олинг. Эклер пишаётган вақтда печнинг оғзини очманг. Пишгандан сўнг ширинликларни совитиб олинг.
8. Творогни блендер билан аралаштириб олинг ва унга ванилин, шакар кукунининг ярмини қўшинг.
9. Музлатилган сариёғни миксер билан араштириб, масса кўтарилишига қадар кутинг, унга қолган шакар кукунини солиб аралаштиринг.
10. Творогли массани сариёғ билан аралаштириб олинг. Massaни ингичка қолипга солинг ва хамирнинг ичига қуйинг.
11. Ширинликнинг ҳар бирига массани солиб чиқинг. Эклернинг ичига ўзингизга ёққан мураббо ёки кремни солишингиз мумкин. Дастурхонга тортишдан олдин ширинликнинг устига шакар кукунини сепинг.

Мавзуга доир:

• Мол гўшти ва картошкадан мазали таом тайёрлаймиз.
• Колбаса, пишлоқ ва помидор қўшиб печда пишириладиган мазали лаваш рецепти.
• Долчин ва майиздан мазали булочка тайёрлаймиз.
• Мол гўшти ва ёнғоқ қўшиб тайёрланадиган грузинча шўрва — харчо рецепти.