Мураббо ва ёнғоқ қўшиб тайёрланадиган мазали пирог рецепти

Майдаланган ёнғоқ ва мураббо қўшиб тайёрланадиган пишириқ сизга манзур келади. Унга ўзингизга ёққан резавор меваларни қўшиб янги таъм ҳосил қилишингиз мумкин.

Керакли масаллиқлар:

• тухум — 2 дона
• шакар — 150 г
• туз — 1 чимдим
• маргарин — 250 г
• ун — 450-500 г
• пишириқ кукуни — ярим қошиқ
• қуюқ мураббо ёки жем — 300-350 г
• ёнғоқ — 80-100 г
• шакар кукуни — таъбга кўра

1. Тухумни аввал шакар ва туз билан, кейин эса юмшатилган маргарин билан аралаштириб олинг.
2. Элакдан ўтказилган унни пишириқ кукуни билан аралаштириб юмшоқ хамир ҳосил қилинг.
3. Хамирнинг учдан бир қисмини плёнкага ўранг ва музлатгичда 30-40 дақиқага қолдиринг. Кўпроқ қисмини ҳам ўранг ва совуткичда қўйинг.
4. Хамирнинг кўп қисмини ёйиб, уни перgameнт билан қопланган шаклга солинг ва кичик бўлакчаларни ҳосил қилинг.
5. Ёнғоқларни майдалаб, мураббо билан аралаштиринг. Хамирнинг устига мураббо ва ёнғоқни солиб ёйиб чиқинг. Маҳсулотларнинг устига музлатилган хамирни майдалаб қўшинг.
6. Пирогни тахминан 30 дақиқа давомида 180 даража ҳароратда пишириб олинг.
7. Пишириқни дастурхонга тортишдан олдин устига шакар кукунини сепинг.

Мавзуга доир: 

• Мол гўшти ва картошкадан мазали таом тайёрлаймиз.
• Колбаса, пишлоқ ва помидор қўшиб печда пишириладиган мазали лаваш рецепти.
• Долчин ва майиздан мазали булочка тайёрлаймиз.
• Мол гўшти ва ёнғоқ қўшиб тайёрланадиган грузинча шўрва — харчо рецепти.