Творогдан мазали таъмга эга пряниклар тайёрлаймиз

Творог қўшиб тайёрланадиган пряниклар мазали таъм ва ёқимли ҳидга эга. Уни дўкондан сотиб олмасдан рецепт асосида ўзингиз уйда тайёрлашингиз мумкин.

Керакли масаллиқлар:

• творог — 250 г
• тухум — 1 дона
• шакар — 220 г
• туз — 1 чимдим
• ўсимлик ёғи — 90 мл
• сут — 90 мл
• ванилин — 2 қошиқ
• ун — 500 г
• пишириқ кукуни — 3 қошиқ
• шакар кукуни — 130 г
• лимон шарбати — ярим қошиқ

1. Творогни элакдан ўтказинг ёки блендер ёрдамида аралаштириб олинг. Тухумнинг сариғини оқидан ажратиб олинг ва сариғини творогга қўшинг. Оқ қисмини эса глазурга солиш учун олиб қўйинг.
2. Творогга шакар, туз, сариёғ, сут ва ванилинни қўшинг. Кейин яхшилаб аралаштиринг.
3. Унни элакдан ўтказинг ва пишириш кукуни билан аралаштиринг. Творог массасини солиб, юмшоқ хамир тайёрланг.
4. Печни 190 даража ҳароратда қиздиринг. Листни пергамент қоғоз билан ўранг.
5. Хамирни 15-20 мм қалинликдаги қатламга ёйиб чиқинг. Стакан ёки шакллар билан диаметри 5-6 см бўлган юмалоқ бўлакларни кесиб олинг.
6. Пряникларни листга қўйинг. Пишириқни қизаргунга қадар 20-25 дақиқа давомида пиширинг.
7. Бу вақтда тухумнинг оқ қисмини шакар кукуни ва лимон шарбати билан силлиқ бўлгунча аралаштиринг.
8. Илиқ пишириқларни симли панжара устига қўйинг, тухумнинг оқини суртинг ва қуригунча 20-30 дақиқага қолдиринг.

Мавзуга доир:

• Мол гўшти ва картошкадан мазали таом тайёрлаймиз.
• Колбаса, пишлоқ ва помидор қўшиб печда пишириладиган мазали лаваш рецепти.
• Долчин ва майиздан мазали булочка тайёрлаймиз.
• Мол гўшти ва ёнғоқ қўшиб тайёрланадиган грузинча шўрва — харчо рецепти.