Мазаси аниқ сизга ёқадиган, уйда тайёрлаш мумкин бўлган пироглар рецепти
Уйда таом тайёрлаш қизиқарли жараён, шу билан бирга пишириқни янада мазали қилиб тайёрлаш имкони бўлади. Marie Claire нашри уйда тайёрлаш мумкин бўлган хуштаъм пироглар рецептини тақдим этди. Пирогларни ўзингизга ёққан кўкатлар билан безатишингиз мумкин.
Қўзиқоринли тарт рецепти
Керакли масаллиқлар:
- хамиртурушсиз тайёрланган хамир — 250 гр
- қўзиқорин — 300 г
- саримсоқ — 2 донача
- қизил пиёз — 2 дона
- тухум — 2 дона (хамир устига суртиш учун 1 дона тухум сариғи)
- пишлоқ — 150 гр
- сметана — 15 фоизликлигидан 100 гр
- сариёғ — 20 г
- зайтун ёғи — 20 мл
- туз, майдаланган мурч — таъбга кўра
Қўзиқоринларни яхшилаб ювинг, қуритинг ва катталарини майда бўлакларга бўлинг. Қиздирилган товага озгина зайтун ёғини қуйинг, сариёғни қўшинг. Устига тўғралган пиёз ва майдаланган саримсоқни солиб қовуринг. Кейин қўзиқоринларни товага солинг ва 3-4 дақиқа давомида қовуринг. Маҳсулотларга тоғ жамбил, туз, мурч қўшинг.
Пишлоқни майдаланг, уни сметана ва тухум билан суюқ ҳолатга келгунча аралаштиринг. Ун билан тўлдирилган юзада, хамирни лист катталигидаги кичик қатламга ёйиб, олдиндан сариёғ суртилган идишга солинг ва қирраларини кесиб олинг. Хамирнинг устига тухум сариғини суртинг ва уни вилкалар билан тешинг. Пишириқни 200 даража ҳароратда 5-7 дақиқа давомида пиширинг.
Тарт учун тайёрланган хамирга пишлоқ-тухум аралашмасини солинг, устига пиёз билан қовурилган қўзиқоринни қўшинг. Уни яна 200 даражада ҳароратда қиздирилган печга 10-12 дақиқага қўйинг. Тартни дастурхонга тортишдан олдин бироз совутиб олинг.
Картошка ва қўзиқоринли штрудел рецепти
Керакли масаллиқлар:
- хамиртуруш қўшилмаган хамир — 500 гр
- картошка — 450 гр
- дудланган пишлоқ — 150 г
- қўзиқорин — 250 г
- қизил пиёз — 1 дона.
- зайтун ёғи — 4 қошиқ
- туз, мурч — таъбга кўра
- тоғ жамбил барглари — 2 қошиқ
Картошкани ювиб тозаланг ва уни ўртача катталикдаги тўртбурчак шаклида майдаланг. Картошкани перgameнт қоғоз билан қопланган листга қўйинг. Уни зайтун ёғи, туз билан аралаштиринг. Тахминан 10-15 дақиқа давомида 180 даража ҳароратда олдиндан қиздирилган печда пиширинг (картошкани қизаргунча пишириш керак).
Дудланган пишлоқни ҳам тўғраб олинг ва зайтун ёғида қизаргунча қовуринг. Тўғралган қўзиқоринларни пиёз билан қўшиб товада қовуринг. Устига туз, мурч, картошка ва тоғ жамбил баргларини солиб аралаштиринг. Қат-қат хамирни листга ёйиб, устига товадаги маҳсулотларни ёйиб чиқинг. Рулетнинг четларини букиб чиқинг ва перgameнт қоғози билан қопланган листга солинг. Устки қисмига аралаштирилган тухумни суртинг ва 180 даража ҳароратда олдиндан қиздирилган печда 25-30 дақиқа давомида пиширинг.
Қовоқ, помидор ва буррата пишлоғи қўшиб тайёрланадиган тарт рецепти
Керакли масаллиқлар:
- хамиртуруш қўшиб тайёрланадиган хамир — 250 гр
- помидор — 500 г (турли хил ва рангларни танлаш мақсадга мувофиқ)
- қизил пиёз — 1 дона.
- қовоқ — 2 дона.
- саримсоқ — 2 донача
- қуритилган орегано — 1 қошиқ
- қуритилган розмарин — 1 қошиқ
- зайтун ёғи — 50 мл
- қовоқ уруғи, кунжут, зиғир — 50 г
- рукола — 50 г
- тухум — 1 дона.
- буррата пишлоғи — 150 гр
- қарағай ёнғоқлари — 30 г
- туз, мурч — таъбга кўра
Қовоқни тозалаб 1 мм қалинликда доира шаклидаги бўлакларга бўлинг. Пиёзни тозалаб майдаланг, саримсоқни ҳам майда қилиб тўғранг. Помидорларни ювинг ва доира шаклида кесиб олинг. Хамирни музлаткичдан олинг ва тўртбурчаклар ҳосил бўлиши учун ун билан қопланган юзага рулон билан ёйиб, перgameнт қоғоз билан қопланган листга солинг. Кейин хамирнинг устига помидор, қовоқ ва пиёзни устма-уст теринг. (бўш жойларни ёпиш учун кичик помидорлардан фойдаланиш керак). Маҳсулотларнинг устига туз, мурч сепинг ва бироз зайтун ёғи қуйинг.
Хамирнинг четларини буклаб, аралаштирилган тухумни суртинг, устига уруғлар аралашмасини солинг. Уни 15-18 дақиқа давомида 200 даража ҳароратда олдиндан қиздирилган печда пишириб олинг. Тартни ёғоч тахтага қўйинг ва у иссиқ турган пайтда, 8-10 қисмга бўлингандан сўнг, буррата пишлоғини устига қўйинг. Пишириқнинг устига рукола, қарағай ёнғоқларини сепинг ва унга зайтун ёғини қўшинг.
Мавзуга доир:
- Мол гўшти ва картошкадан мазали таом тайёрлаймиз.
- Колбаса, пишлоқ ва помидор қўшиб печда пишириладиган мазали лаваш рецепти.
- Долчин ва майиздан мазали булочка тайёрлаймиз.
- Мол гўшти ва ёнғоқ қўшиб тайёрланадиган грузинча шўрва — харчо рецепти.
