Товуқ ва қовоқдан тайёрланадиган котлетлар мазали таъмга эга. Унга ўзингизга ёққан кўкатларни қўшишингиз мумкин. Lifehacker нашри қовоқ қўшиб тайёрланадиган товуқли котлет рецептини тақдим этди.
Керакли масаллиқлар:
- қовоқ — 250 г
- пиёз — 1 дона
- саримсоқ — 2 донача
- товуқ гўшти қиймаси — 800-900 г
- тухум — 1 дона
- туз — 1 қошиқ
- мурч — таъбга кўра
- ун — 1-2 қошиқ
- ўсимлик ёғи — 2 қошиқ
- сув — 50-70 мл
- Қовоқни катта тишли қирғичдан ўтказинг ёки пиёз билан бирга блендерда аралаштириб олинг. Қовоқни озгина сиқиб олинг. Саримсоқни ҳам қирғичдан ўтказинг.
- Қиймани қовоқ, тухум, пиёз, саримсоқ, туз ва мурч билан аралаштиринг. Агар қийма жуда суюқ бўлса, унга озгина манний ёрмаси қўшинг.
- Кичкина котлетларни ҳосил қилинг ва уни унга қориштириб олинг. Қийма қўлларингизга ёпишиб қолмаслиги учун сув билан намланг.
- Ўсимлик ёғини ўртача оловда қиздириб олинг. Котлетларни ҳар томонини айлантириб 5-6 дақиқа қовуринг.
- Бир оз сув қўшинг, тованинг қопқоғини ёпинг ва паст оловда яна 7-10 дақиқага қолдиринг.
Мавзуга доир:
Изоҳ (0)