Mol go‘shti va yong‘oq qo‘shib tayyorlanadigan gruzincha sho‘rva — xarcho retsepti

Mol go‘shti, guruch, pomidor va boshqa mahsulotlardan tayyorlanadigan xarchoga yong‘oq qo‘shilsa, yanada mazali ta’mga ega bo‘ladi. Unga o‘zingizga yoqqan ko‘katlarni qo‘shishingiz mumkin.

Kerakli masalliqlar:

• mol go‘shti qovurg‘alari — 300-400 g
• lahm mol go‘shti — 600-700 g
• piyoz — 5 dona
• ko‘katlar — 1 bog‘
• suv —  4 l
• murch donachalari — 6-8 dona
• lavr yaprog‘i — 1-2 dona
• tuz — 1 dona
• guruch — 5 qoshiq
• o‘simlik yog‘i — 2 qoshiq
• pomidor sharbati — 300 g
• paprika — 1 qoshiq
• murch — ta’bga ko‘ra
• sarimsoq — 4-5 donacha
• yong‘oq — 150 g
• achchiq qalampir — ta’bga ko‘ra

1. Qovurg‘a go‘shtni, tozalangan piyozni suv bilan to‘ldirilgan idishga soling.
2. Sho‘rvani qaynating va unda hosil bo‘lgan ko‘piklarni olib tashlang, suvga qalampir, lavr yaprog‘i va tuz qo‘shing. Xarchoni 2,5-3 soat davomida past olovda pishiring.
3. Go‘shtni idishga solib, uning ustiga sho‘rvani quying. Mol go‘shtini ozgina sovutib oling va bo‘laklarga bo‘ling.
4. Guruchni bir necha marotaba yuving.
5. Qolgan piyozni mayda bo‘laklarga bo‘lib oling. Tovaga yog‘ solib, uni yumshoq bo‘lgunga qadar qovuring.
6. Pomidorlarni maydalang va unga piyoz, paprika, maydalangan qalampir qo‘shing. Hammasini aralashtirib, bir-ikki daqiqa pishiring.
7. Sarimsoqni qirg‘ichdan o‘tkazing va tovaga soling. Uni bir necha daqiqa qovurib oling.
8. Yong‘oqlarni quruq qizdirilgan idishda o‘rtacha olovda bir necha daqiqa qovuring. Uni maxsus idishda yoki blenderda maydalab oling.
9. Yong‘oqlarni tovaga soling va barcha mahsulotlarni 8-10 daqiqa davomida o‘rtacha olovda qaynatib oling.
10. Sho‘rvani qaynating va unga guruch, go‘sht qo‘shing. Qaynab chiqqandan so‘ng, 20 daqiqa davomida pishiring.
11. Achchiq qalampirni maydalab, sho‘rvaga soling va yana 3-4 daqiqa pishiring.
12. Xarchoni tayyor bo‘lgandan keyin idishning qopqog‘ini olib 15-20 daqiqaga qoldiring. Dasturxonga tortishdan oldin unga maydalangan ko‘katlardan qo‘shing.

Mavzuga doir:

• Vitaminlarga boy xarcho sho‘rvasini tayyorlaymiz.
• Piyoz qo‘shib xushta’m kartoshkali kotlet tayyorlaymiz.
• Qat-qat xamirdan mazali kruassan tayyorlaymiz.
• Tovuq va pomidor qaylasidan mazali makaronli taom tayyorlaymiz.