Гўшт ва пишлоқдан тайёрланадиган булочканинг хамирига хамиртуруш қўшилганлиги сабабли юмшоқ бўлади. Булочкаларнинг ўзини ёки суюқ таомлар билан бирга истеъмол қилишингиз мумкин.
Керакли масаллиқлар:
- сут — 150 мл ва яна 1 қошиқ
- сув — 150 мл
- хамирни тез ачитувчи хамиртуруш — 7 гр
- шакар — 1 қошиқ
- туз — таъбга кўра
- сариёғ — 30 г
- ун — 450 г
- ўсимлик ёғи — 2 қошиқ
- пиёз — 1-2 дона
- қийма — 450 г
- мурч — таъбга кўра
- тухум — 1 дона
- пишлоқ — 150 г
- укроп — таъбга кўра
- Катта идишда 150 мл илиқ сут, илиқ сув, хамиртуруш ва шакарни аралаштиринг. Идиш сиртида кичик кўпикчалар пайдо бўлиши керак.
- Сутга бир чой қошиқ туз ва эритилган сариёғни қўшинг.
- Элакдан ўтказилган унни идишга солинг ва яхшилаб аралаштиринг. Хамир ёпишқоқ бўлиб қолмаслиги керак.
- Идиш ва хамирни ўсимлик ёғининг ярми билан ёғланг. Уни идишга солинг, ёпишқоқ плёнка билан ёпинг ва 1 соат давомида иссиқ жойга қўйинг.
- Пиёзни майда қилиб тўғранг. Уни қийма, туз ва мурч билан аралаштиринг.
- Столга ун сепинг ва устига хамирни қўйинг. Уни ўрама шаклига келтиринг ва 12 та тенг бўлакларга бўлинг.
- Хамирни тўпчаларга айлантиринг. Иккита листга пергамент қоғозини ўраб, хамир бўлакларини оралиқ масофада териб чиқинг.
- Хамирнинг ўрта қисмини енгил босинг. Уни сочиқ билан ёпинг ва 30 дақиқага қолдиринг.
- Стаканнинг пастки қисмини хамирга ботиринг. Ҳар бир тўпча шаклидаги хамирда чуқурчалар ҳосил қилинг.
- Бир чой қошиқ сут билан тухумни кўпиртиринг. Хамирларнинг четларини ёғланг. Қиймани хамирнинг ичкарисига солинг ва яна бироз ёғланг.
- Хамирни 30 дақиқа давомида 180 даража ҳароратда олдиндан қиздирилган печга қўйинг. Қирғичдан ўтказилган пишлоқ ва тўғралган укроп аралашмасини тўпчалар устига сепинг. Булочкаларни яна 5-10 дақиқа пишириб олинг.
Мавзуга доир:
Изоҳ (0)