Юмшоқ хамир, қуюлтирилган сут ва шакар қўшиб тайёрланадиган «шафтоли» ширинлиги жуда мазали таъмга эга. Печеньега қуюлтирилган сут ўрнига ўзингизга ёққан мурабболарни қўшсангиз ҳам бўлади.
Керакли масаллиқлар:
- тухум — 2 дона
- шакар — 150 г ва яна ширинликнинг устига сепиш учун
- сариёғ — 60 г
- сметана — 2 қошиқ
- ун — 450 г
- пишириқ кукуни — 2 қошиқ
- туз — 1 чимдим
- қуюлтирилган сут — 200 г
- лавлаги — 2 дона
- сабзи — 2 дона
- Тухум ва шакарни қўшиб миксер билан енгил юмшоқ масса ҳолига келгунча аралаштиринг. Унга эритилган сариёғ ва сметанани қўшиб яна аралаштириб олинг.
- Унни элакдан ўтказинг ва пишириш кукуни, туз қўшиб аралаштиринг. Секин-аста қуруқ маҳсулотларни сариёғ, сметанага қўшиб юмшоқ, силлиқ хамир ҳолига келтиринг.
- Хамирни озиқ-овқат плёнкасига ўранг ва 15-20 дақиқа давомида музлатгичга қўйинг.
- Хамирни қалинлиги 4-5 мм бўлган қатламга ёйинг. Стакан ёрдамида диаметри 4-5 см бўлган бир хил доираларни кесиб олинг.
- Печни 180 даража ҳароратда олдиндан қиздириб олинг. Листни пергамент қоғози билан ўранг.
- Хамирни листга қўйинг. Уларни қизаргунга қадар 20-25 дақиқа давомида пиширинг. Ҳар бир печеньенинг марказида кичик бир чуқурча ҳосил қилинг.
- Ҳар бир бўш чуқурчаларни қуюлтирилган сут билан тўлдиринг. Шафтоли шаклидаги печенье тайёрлаш учун уларни бир-бирга ёпиштиринг.
- Лавлаги ва сабзи шарбатини сиқиб олинг. Ҳар бир печеньенинг бир томонига сабзи шарбати, иккинчи томонига эса лавлаги шарбатини солинг. «Шафтолилар»ни шакарга солинг. Ширинликларни симли панжара устига қўйинг ва 20-30 дақиқа давомида қуритинг.
Мавзуга доир:
Изоҳ (0)