Мол гўшти ва булгурдан мазали шўрва тайёрлаймиз

Булгур, мол гўшти ва сабзавотлардан тайёрланадиган шўрва мазали таъмга эга. Таомга ўзингизга ёққан сабзавотларни ва кўкатларни қўшсангиз ҳам бўлади.

Керакли масаллиқлар:

• лаҳм мол гўшти — 450 г
• пиёз —  1 дона 
• сабзи — 1-2 дона
• селдрей — таъбга кўра
• сариёғ — 1 қошиқ
• ун —  2 қошиқ
• туз — таъбга кўра
• мурч — таъбга кўра
• паприка — таъбга кўра
• қуритилган саримсоқ — бир қошиқнинг тўртдан бир қисми 
• мол гўшти солиб пиширилган шўрва ёки сув —  1 л
• розмарин — таъбга кўра
• булгур — бир стаканнинг тўртдан уч қисми

1. Мол гўштини ўртача бўлакларга, пиёз, сабзи ва селдрейни эса майда қилиб тўғраб олинг.
2. Сариёғни ўртача оловда, қалин таг қисмга эга бўлган идишда эритинг. Гўштни солиб, ҳар томонлама қовуриб олинг.
3. Идишга пиёзни солинг ва юмшоқ бўлгунга қадар қовуринг.
4. Ун билан зираворларни аралаштиринг. Маҳсулотларни идишга солинг.
5. Шўрванинг ичига розмарин солинг. Қайнагандан кейин оловни пасайтиринг ва гўшт юмшоқ бўлгунга қадар 25-30 дақиқа давомида қопқоқ остида пиширинг.
6. Шўрвага сабзи, булгур ва селдрейни солинг. Таомни сабзавотлар юмшоқ пишгунга қадар, яъни 15-20 дақиқа давомида пиширинг.
7. Розмаринни шўрвадан олиб ташланг, агар керак бўлса бироз туз қўшинг.

Мавзуга доир:

• Мол гўшти ва картошкадан мазали таом тайёрлаймиз.
• Колбаса, пишлоқ ва помидор қўшиб печда пишириладиган мазали лаваш рецепти.
• Долчин ва майиздан мазали булочка тайёрлаймиз.
• Мол гўшти ва ёнғоқ қўшиб тайёрланадиган грузинча шўрва — харчо рецепти.