Мол гўшти ва картошкадан мазали таом тайёрлаймиз

Мол гўшти ва картошкадан тайёрланадиган тушёнка жуда мазали таъмга эга. Унга ўзингизга ёққан бошқа сабзавотларни ва кўкатларни қўшишингиз мумкин.

Пишириш учун мол гўшти, картошка ва бошқа маҳсулоттларни қандай тайёрлаш мумкин?

• Пиширишдан олдин мол гўштини яхшилаб ювишни унутманг. Барча ёғларни, томирларни ва плёнкаларни олиб ташланг. Акс ҳолда, гўшт қаттиқ бўлиб пишади. Агар бор бўлса, тўғралган селдрей, паприка, саримсоқ ва лавр япроғи қўшишингиз ҳам мумкин.
• Мол гўшти билан пишириладиган картошкани тозалаш ва ўртача бўлакларга бўлиш керак. Каттароқ бўлакларни пишириш учун кўпроқ вақт кетади ва кичикроқ бўлаклар пюрега айланиши мумкин.
• Сабзи ва пиёзни ҳам ювиб, тозаланг. Сабзавотларни куб шаклида тўғранг ёки қирғичдан ўтказинг. Сабзини куб шаклида тўғраб олинг ва қирғичдан ўтказинг. Пиёзни ҳам куб ёки ярим паррак шаклида тўғраш мумкин.

• Агар таомнинг кўпроқ парҳезли бўлишини истасангиз, мол гўштини қовуриш ўрнига қайнатишингиз мумкин.
• Сув ўрнига шўрвадан фойдаланиш мумкин. Бу рецепт учун мол гўшти шўрваси энг яхши вариант, бироқ сабзавотли шўрвадан фойдаланса ҳам бўлади.
• Мол гўштини нафақат товада, қозонда ёки мултиваркада ҳам пиширишингиз мумкин. Бундай ҳолатда гўшт, картошка яхши қовурилиши учун мултиваркадаги кўрсатмаларни текшириб олиш керак.

• мол гўшти — 350 гр
• картошка — 5 дона
• пиёз — 100 гр
• сабзи — 1 дона
• сув — 400 мл.
• ўсимлик ёғи — 3 ош қошиқ.
• туз ва қалампир — таъбга кўра
• кўкатлар — таъбга кўра

1. Мол гўштини майда кубиклар шаклида бўлиб олинг.
2. Ичи чуқурроқ товага ўсимлик ёғини солинг ва мол гўштини қовуринг. Таъбга кўра зираворлар қўшинг.
3. Мол гўшти қизариши биланоқ, идишга 200 мл сув солинг. Товани қопқоқ билан ёпинг ва сув тўлиқ буғланиб кетгунча қайнатиб олинг. Бунга 10-20 дақиқа вақт кетиши мумкин.
4. Идишга сабзи ва пиёзни солинг. Вақти-вақти билан аралаштириб, уларни 5-7 дақиқа давомида қовуринг.
5. Картошкани солиб туз билан аралаштиринг.
6. Идишга яна 200 мл сув қўшинг ва сув идишнинг камида ярмини қоплаши керак.
7. Товани қопқоқ билан ёпинг ва маҳсулотларни қайнатиб олинг. Оловни пасайтириб, картошка ва мол гўшти юмшоқ бўлгунга қадар тахминан 25 дақиқа давомида қопқоқ остида сабзавотли мол гўштини пиширинг.

Тайёр таомни 15 дақиқага қолдириб, кейин дастухонга тортиш мумкин. Таомни истеъмол қилишдан олдин қовурилган мол гўштига янги кўкатлар, майдаланган пишлоқ, бир бўлак сариёғ ёки таъбга кўра зираворлар қўшиш мумкин.

Мавзуга доир: 

• Творог ва малина қўшиб тайёрланадиган мазали запеканка рецепти.
• Колбаса, пишлоқ ва помидор қўшиб печда пишириладиган мазали лаваш рецепти.
• Долчин ва майиздан мазали булочка тайёрлаймиз.
• Мол гўшти ва ёнғоқ қўшиб тайёрланадиган грузинча шўрва — харчо рецепти.