Сутли крем қўшилган мазали круассан тайёрлаймиз

Сутли крем қўшилган мазали француз пишириғини тайёрлаш учун сабр-тоқатли бўлишингиз керак. Бироқ натижа бунга арзийди. Юпқа хамир ва ширин крем ширинликда ўзгача таъмни ҳосил қилади.

Крем учун керакли масаллиқлар:

• ун — 500 г
• шакар — 55 г
• тез ачитувчи хамиртуруш — 11 г
• туз — 1 қошиқ
• сариёғ — 320 г 
• сув — 140 мл ва 1 қошиқ
• сут — 140 мл
• тухум — 1 дона

• тухум сариғи — 6 дона
• маккажўхори крахмали — 30 г
• шакар — 140 г
• сут — 500 мл
• сариёғ — 1 қошиқ
• ванилин — 2 қошиқ

1. Унни элакдан ўтказинг ва уни шакар, хамиртуруш ва туз билан аралаштиринг. Кейин 40 г юмшоқ сариёғ, илиқ сув ва сут қўшинг.
2. Юмшоқ ва озгина ёпишқоқ хамир ҳосил қилинг. Уни идишга солинг, ёпишқоқ плёнка билан ёпинг ва 8-10 соат давомида музлатгичга қўйинг.
3. Пергамент қоғоз ёки озиқ-овқат плёнка варақлари орасига 280 г сариёғ қўйинг ва ён томони 17 см бўлган квадрат шаклида ўранг. Уни совутгичда қотиб қолгунча қўйиб олинг.
4. Хамирни кесиб 26 сантиметрли квадрат шаклида ўранг. Устига музлатилган сариёғ бўлакларини қўйинг.
5. Ёғ солиб бўлгандан кейин хамир четларини букиб чиқинг. Хамирни пастки томони билан қўйинг ва 20 смга 60 см ўлчамдаги тўртбурчак шаклидаги хамирларни кесиб олинг.
6. Қатламни тор томонини ўзингизга қаратиб қўйинг. Хаёлан уни уч қисмга бўлинг. Пастки учдан бир қисмини марказга эгиб, юқори учдан бир қисмини ёпинг. 30-40 дақиқа давомида музлатгичга қўйинг.
7. Хамирни 60 смга 20 см ўлчамдаги тўртбурчаклар шаклида ёйиб, олдинги босқичдаги каби қатланг ва яна 30-40 дақиқа давомида музлатгичга қўйинг.
8. Худди шу тарзда хамирни ёйиб, яна буклаб, музлатгичда 8-10 соатга қолдиринг.
9. Крем учун тухум сариғи, крахмал ва шакарни кўпиртиргич билан аралаштиринг. Сутни қайнатинг. Сутни қайнатиб бўлганингиздан кейин аралаштириб, тухум сариғини қўшинг.
10. Массани кичик элакдан ўтказинг ва пиширишга қўйиб қалинлашгунча 2-3 дақиқа аралаштиринг.
11. Кремга сариёғ, ванилин қўшинг ва яхшилаб аралаштиринг. Кремни ёпишқоқ плёнка билан ёпинг ва 3-4 соат давомида музлатгичга қўйинг.
12. Хамирни 110 смга 20 см ўлчамдаги қатламда ёйиб, 20-30 дақиқа давомида музлатгичга қўйинг. Уни 8 та тенг тўртбурчакларга бўлиб олинг, сўнгра уларни диагонал равишда ярмига бўлинг. 16 та хамир бўлакларини ҳосил қилинг.
13. Ҳар бир учбурчак шаклидаги хамирнинг марказида кичик бир кесма ҳосил қилинг ва хамирнинг учларини бир оз чўзинг.
14. Худди шу томондан бошлаб, учбурчакларни рулонларга айлантиринг. Пергамент қоғоз билан қопланган листга уларни пастки томони билан қўйинг.
15. Бир чой қошиқ сув билан тухумни вилка билан аралаштиринг. Хамирни ёғланг. Унинг бўлакларини 2 соат давомида кўтарилиши учун илиқ жойда қолдиринг.
16. Печни 210 даража ҳароратда олдиндан қиздиринг. Круассанларга яна тухум суртинг. Агар хоҳласангиз, майдаланган бодом билан сепинг.
17. Круассанларни 7 дақиқа давомида пиширинг, сўнгра ҳароратни 190 даражага тушириб яна 13 дақиқа пишириб олинг. Уни печдан олиб совутинг.
18. Кремни учли қандолат пакетига солинг. Круассанларнинг пастки қисмида кичик бир тешик очинг ва у орқали кремни қуйинг.

Мавзуга доир:

• Творог ва малина қўшиб тайёрланадиган мазали запеканка рецепти.
• Колбаса, пишлоқ ва помидор қўшиб печда пишириладиган мазали лаваш рецепти.
• Долчин ва майиздан мазали булочка тайёрлаймиз.
• Мол гўшти ва ёнғоқ қўшиб тайёрланадиган грузинча шўрва — харчо рецепти.