Фойдали ва мазали сули ёрмаси: нонушта учун мукаммал таъмга эга 4 хил бўтқа рецепти

Сули ёрмаси — энг яхши нонушта таоми ҳисобланади. Шу билан бирга, ўзининг озуқавий хусусиятлари, фойдали макро ва микроэлементлар миқдори бўйича сули ёрмаси суперфудлардан кам эмас. Бундан ташқари, ушбу маҳсулот эрталаб метаболизмни мукаммал даражада тезлаштиради, токсинларни йўқотади ва кайфиятни яхшилайди. «Elle.ru» нашри сули ёрмасидан тайёрланадиган мазали бўтқалар рецептини тақдим этди.

Оддий усулда пишириладиган сули ёрмаси 

• сули ёрмаси — 100 г
• сув — 200 мл
• сут — 100 мл
• қаймоқ — 50 г
• сариёғ — 10 г
• туз — 2 г
• шакар — 5 г
• малина — 10 г
• қулупнай — 10 г
• қорағат — 5 г
• ёнғоқ — 5 г
• асал ёки сироп — 5 г
• янги ялпиз - 2 та барг

1. Энг яхши сули ёрмаси икки босқичда тайёрланади. Биринчиси — «асос» қисмини тайёрлаш. Бунинг учун сувни қайнатиб олинг ва 10 дақиқа давомида секинлик билан кўпиртирилган ёрмани қўшинг. Тайёр «асос»ни текис идиш устига қўйинг, уни вилкалар билан аралаштиринг ва агар бўлаклар мавжуд бўлса уларни майдаланг. Ёрмани 15-20 дақиқа совитиш учун қолдиринг.
2. Сут, қаймоқ ва сариёғни идишга қуйинг. Қайнатинг ва унга биринчи босқичда олинган «асос»ни қўшинг. Туз ва шакарни таъбга кўра қўшиб ўртача оловда қайнатинг. Маҳсулотларни аралаштириб, бўтқани етарлича қаттиқлик ҳолатига келтиринг — у жуда суюқ ёки қуюқ бўлмаслиги керак.
3. Бўтқани идишга солинг ва унга турли хил меваларни: малина, қулупнай, қорағат, ёнғоқ, асал ёки сироп қўшинг. Тайёр таомни ялпиз барглари билан безатинг.

Олма, асал ва шоколад қириндиси қўшиб тайёрланадиган ёрмали бўтқа 

• сули ёрмаси — 150 г
• сут — 200 мл
• қуритилган олма — 15 г
• майдаланган шоколад — 5 г
• сариёғ — 10 г
• асал — 20 г

1. Сутни сув билан аралаштиринг (70 фоиз сут — 30 фоиз сув нисбатида), унга сули ёрмасини қўшинг ва 7 дақиқа давомида пиширинг. Кейин туз, шакар ва сариёғ қўшиб аралаштиринг.
2. Бўтқани идишга солинг. Устига қуритилган олма, шоколад қириндиси ва бир қошиқ асал солинг.

Қуруқ мевалар ва ёнғоқдан тайёрланадиган мазали бўтқа рецепти

• сули ёрмаси — 125 г
• сут — 600 мл
• қаймоқ — 80 мл
• туз, шакар — таъбга кўра
• майиз — 50 г
• қуритилган ўрик — 50 г
• хурмо — 50 г
• клюква — 50 г
• асал — 50 г
• долчин — 2 г
• ёнғоқ — 60 г
• сариёғ — 60 г

1. Қуритилган меваларни олдиндан намланг: ювинг, идишга сув солинг ва меваларни қайнатиб олинг. Унга асал, долчин қўшинг ва 10 дақиқа давомида пиширинг.
2. Сут, қаймоқ қўшиб сули ёрмасини қайнатиб олинг. Тайёр бўлишдан бир неча дақиқа олдин қуритилган меваларнинг тайёрланган аралашмасини бўтқага қўшинг.
3. Бўтқани дастурхонга тортишдан олдин сариёғ қўшинг. Уни идишга солинг ва устига майдаланган ёнғоқни сепинг.

Мевали мураббо қўшиб тайёрланадиган бўтқа

• сули ёрмаси — 55 г
• долчин — 3 г
• туз — 3 г
• қуюлтирилган сут — 44 г
• сариёғ — 15 г
• сут — 70 мл
• мевали мураббо — 42 г

1. Сут, қуюлтирилган сут, долчин ва тузни аралаштиринг. Маҳсулотларни қайнатинг ва унга сули ёрмасини қўшинг. Бўтқани 7-10 дақиқа қайнатиб олинг.
2. Тайёр бўтқанинг устига мевали мураббони солиб дастурхонга тортинг.

Мавзуга доир:

• Қайси ёрмадан тайёрланган бўтқа нонушта учун энг фойдали?
• Антиқа таом: Қовоқ ичида гуручли бўтқа рецепти.
• Нонушта учун энг фойдали бўтқа қайси?
• Гуручли бўтқа, пишлоқли оладе, тухумли салат − глютенсиз мазали нонушта тайёрлаймиз.