Қовоқ ичига гуруч ва товуқ қиймасини солиб, мазали таъмга эга таом тайёрлаймиз

Қовоқ ичига товуқ гўшти қиймаси ва гуруч солиб тайёрланадиган ушбу таом жуда мазали таъмга ва хушбўй ҳидга эга. Таомга қўшимча равишда ўзингизга ёққан сабзавотларни қўшишингиз ҳам мумкин.

Керакли масаллиқлар:

• ўртача катталикдаги қовоқ — 2 дона
• туз — таъбга кўра
• мурч — таъбга кўра
• ўсимлик ёғи — 2 қошиқ ва яна мойлаш учун 
• гуруч — 150 г
• пиёз — 1-2 дона
• саримсоқ — 2-3 донача
• товуқ гўшти қиймаси — 450 г
• помидор қайласи — 3-4 қошиқ
• майдаланган қизил қалампир — таъбга кўра
• пишлоқ — 150 г

1. Қовоқларни иккига бўлинг. Уларнинг уруғларни ва толаларини олиб ташланг.
2. Қовоққа бироз туз ва мурч қўшиб, ичини ёғлаб олинг.
3.  Қовоқ ярмини кесилган томонини пастга қаратиб, пишириш варағига қўйинг. Тахминан 30 дақиқа давомида 180 даража ҳароратда пиширинг.
4. Гуручни пишгунига қадар 20 дақиқа давомида қайнатиб олинг. Уни совутишга қўйинг.
5. Қовоқни совутиб олинг ва ичига маҳсулотларни солиш учун бир текис қилиб мағзининг бир қисмини қошиқ билан қириб ташланг.
6. Қовоқдан олинган мағзини ва пиёзни майда бўлакларга бўлиб олинг. Саримсоқни қирғичдан ўтказинг.
7. Ўсимлик ёғини ўртача оловда қиздириб олинг. Пиёзни юмшоқ бўлгунга қадар қовуринг. Унга саримсоқ, қовоқ бўлакларини қўшинг ва яна ярим дақиқа пиширинг.
8. Қиймани товага солинг ва яна 4-5 дақиқа давомида қовуриб олинг.
9. Товага помидор қайласини қўшинг ва 2-3 дақиқадан сўнг туз, мурч ва қизил қалампир қўшинг. Ҳаммасини аралаштиринг ва яна 3-4 дақиқа қовуринг.
10. Қовоқнинг ярмини қийма билан тўлдиринг ва майдаланган пишлоқ сепинг. Яна 15 дақиқа давомида печга қўйинг.

Мавзуга доир:

• Творог ва малина қўшиб тайёрланадиган мазали запеканка рецепти.
• Колбаса, пишлоқ ва помидор қўшиб печда пишириладиган мазали лаваш рецепти.
• Долчин ва майиздан мазали булочка тайёрлаймиз.
• Мол гўшти ва ёнғоқ қўшиб тайёрланадиган грузинча шўрва — харчо рецепти.