Начинкасига творог қўшиб, қовоқчали рулет тайёрлаймиз

Lifehacker нашри тақдим этган қовоқчали рулет рецепти иссиқ кунлар учун айни муддао. Егуликка қўшилган саримсоқ ва кўкатлар иштаҳани очиши шубҳасиз.

Керакли маҳсулотлар:

• қовоқча — 2 дона;
• тухум — 2-3 дона;
• ун — 3-4 ош қошиқ;
• ўсимлик мойи — 4-5 ош қошиқ;
• саримсоқ — 2-3 бўлак;
• творог — 100-120 грамм;
• майонез — 1-2 ош қошиқ;
• кўкат, туз ва зираворлар.

1. Қовоқча тозаланиб, узунлиги бўйлаб, ингичка кесиб олинади. Тузлаб, 15-20 дақиқага қолдирилади. Сўнгра қоғоз салфетка билан артиб олинади.
2. Идишда тухум, туз ва мурч санчқи ёрдамида кўпиртирилади. Алоҳида идишга ун сепилади.
3. Ўртача оловда қиздирилади. Қовоқчанинг ҳар икки томони унга ботирилади. Кейин тухумли аралашмага ва яна унга ботирилади. Оловда ҳар икки томони қизаргунга қадар қовурилади.
4. Қовоқчадаги ортиқча ёғни бартараф этиш учун қоғоз салфеткалар устига териб чиқилади.
5. Саримсоқ ва кўкатлар майда тўғралади.
6. Творог туз, майонез қўшиб, яхшилаб аралаштирилади.
7. Совиган қовоқчалар устига творогли начинка солинади ва рулет тайёрланади.