Сосиска қўшиб тайёрланадиган картошкали запеканка рецепти

Пишлоқ қўшиб тайёрланадиган мазкур егуликни тушлик ёки кечки овқатга истеъмол қилса бўлади.

Керакли маҳсулотлар:

• ўсимлик ёғи — 1 ош қошиқ;
• саримсоқ пиёз — 2 дона;
• тухум — 2 дона;
• картошка — 5 дона;
• пишлоқ — 100 г;
• туз, мурч;
• сосиска — 6 дона;
• сметана — 3 ош қошиқ;
• кўк пиёз;

• Майдаланган саримсоқ пиёзга 1 та тухум қўшиб аралаштиринг.
• Қирғичдан чиқарилган картошка қўшинг.
• Қирғичдан чиқарилган пишлоқнинг ярмини картошкали аралашмага қўшинг, туз ва мурч сепинг.
• Бўлакларга бўлинган сосискани картошкага қўшиб аралаштиринг.
• Печга қўйишга мўлжалланган махсус идиш четларини ёғланг.
• Аралашмани идишга солинг.
• Пишлоқнинг қолган қисмига тухум ва сметана қўшиб аралаштиринг.
• Сметанали соусни идишдаги аралашма устидан қуйинг.
• 180 даража оловда 40 дақиқа давомида пишириб олинг.