Баҳорий таомнома: витаминларга бой 5 хил мазали шўрва рецепти

Мазкур шўрва рецептлари витаминларга бойлиги билан бирга, енгил ҳазм бўлиши билан ҳам  таомномангиздан жой олишга арзийди.

Қовоқли шўрва

Керакли маҳсулотлар:

• товуқ филе — 500 грамм;
• қовоқ— 200 грамм;
• қаймоқ — 200 мл;
• картошка — 2 дона;
• кинза;
• туз ва зираворлар.

1. Картошка ва қовоқни тозалаб, ўртача катталикдаги куб шаклида, кинзани эса майда қилиб тўғранг.
2. Товуқ филени бўлакларга бўлинг.
3. Қизиган товада филени 5 дақиқа давомида қовуринг. Туз, зираворлар сепиб, яна 3 дақиқа пиширинг.
4. Қовурилган филени қозонга солиб, устидан 1 литр қайнаган сув қуйиб, 10 дақиқа қайнатинг.
5. Қозонга картошка, қовоқни солиб, пиширинг. Сўнгра қаймоқ солиб, яна 5-10 дақиқа қайнатинг
6. Тайёр шўрвани идишларга қуйиб, кинза билан безатинг.

Керакли маҳсулотлар:

• рангли карам — 500 грамм;
• картошка — 1 та;
• ёғсиз сут — 300 мл;
• бульон — 700 мл;
• чеддер пишлоғи — 50 грамм;
• сариёғ — 25 грамм;
• туз, мурч.

1. Пиёзни майда, картошка ва пишлоқни куб шаклида тўғранг.
2. Пиёзни 10 дақиқа қовуриб олинг. Рангли карам, картошкани ҳам солиб, яхшилаб аралаштиринг Сўнгра сут, бульон, туз, зураворлар солиб қайнатинг.
3. 25 дақиқадан сўнг, пишган маҳсулотларни қозондан олиб, блендерда эзинг. Яна қайтадан қозонга солиб, тузини ростланг.
4. Таомни дастурхонга куб шаклида тўғралган чеддер пишлоғи, мурч, қуритилган нон бўлаклари билан тортинг.

Керакли маҳсулотлар:

• равиоли — 1 қадоқ;
• консерваланган ловия — 200 грамм;
• пиёз — 1 дона;
• помидор — 1 дона;
• сабзи — 1 дона;
• бульон — 1 литр;
• райҳон барги — 7 дона;
• туз ва зираворлар

1. Туз солинган сувда равиолини пишириб олинг. Пишган равиолини човли билан сузиб олиб, зайтун ёғи билан ёғланг.
2. Аввалдан қовурилган пиёз, сабзи ва помидорни қайнаб турган бульонга солинг.
3. 5 дақиқадан сўнг, қозонга ловияни солиб, тузини ростланг ва яна 5 дақиқа қайнатинг.
4. Идишларга шўрвани қуйиб, устига равиоли солинг ва райҳон барги билан безанг.

Керакли маҳсулотлар:

• бутун товуқ — 1 дона;
• саримсоқ — 2 бўлак;
• сабзи — 1 дона;
• шолғом — 1 дона;
• картошка — 1 дона;
• пастернак (ширин илдизли хушбўй ўт) — 1 дона;
• тайёр лапша;
• лавр япроғи — 2 та;
• жамбил;
• селдерей;
• петрушка;
• туз ва зираворлар.

1. Қозонга товуқ ва сабзавотларни солиб, совуқ сув қуйинг. Қайнаб чиққач, шўрва бетидаги кўпикни олиб ташланг. Лавр япроғи, селдерей, жамбил, саримсоқ ва мурч солиб, паст оловда 2-3 соат қайнатинг. Пишишига яқин туз солинг.
2. Пишган товуқ гўштини бульондан олиб, бўлакларга бўлинг.
3. Сабзавот ва кўкатларни сувдан сузиб олинг.
4. Қозондаги бульонга лапша солиб, 3-4 дақиқа қайнатинг.
5. Дастурхонга тортишдан аввал идишларга товуқ гўштидан солиб, устидан лапшали шўрвани қуйинг.

Керакли маҳсулотлар:

• нўхат — 500 грамм;
• бульон — 850 мл;
• картошка — 1 та;
• пиёз — 2 та'
• ялпиз — 1 боғ
• сариёғ — 2 ош қошиқ;
• лимон шарбати — 3 ош қошиқ;
• туз, зираворлар.

1. Қозонда майда тўғралган пиёзни тилларангга киргунча қовуриб олинг.
2. Қозонга тўртбурчак тўғралган картошка, яшил нўхат, туз, мурч солиб, устидан бульонни қуйинг. Сабзавотлар пишгунча қайнатинг.
3. Шўрва пишгач, ялпиз, лимон шарбати қўшинг. Блендерда пишган сабзавотларни майдалаб олинг. Дастурхонга тортишдан аввал шўрва юзига 1 қошиқ сметана солиш мумкин.