Қуймоққа ўралган қийма ва тухум − шотландча таом рецепти

Ноодатий кўринишга эга машҳур инглизча таом — юмшоққина қуймоқ, ичида қийма ҳамда пиширилган тухум ҳар қандай инсоннинг иштаҳасини очиб юбориши табиий.

Керакли маҳсулотлар:

• тухум − 5 дона;
• қийма гўшти − 280 грамм;
• ун − 130 грамм;
• қуритилган нон − 130;
• ўсимлик ёғи − 1 литр;
• қуймоқ − 4 дона;
• кўкат, туз ва зиравор.

1. Тухум қайнатиб, тозалаб олинади.
2. Қийма гўшти майдаланган кўкат, туз ва зираворлар билан аралаштирилиб, тўрт қисмга бўлинади.
3. Бир идишга тухум чақилади, иккинчисига ун, учинчисига қуритилган нон солинади.
4. Ҳар бир қайнатилган тухум аввал ун, сўнгра гўштли аралашма ва охирида нон бўлаклари билан қопланади.
5. Ёғ ўрта оловда қиздирилади. Тайёр бўлган котлетлар оловда қизаргунга қадар пишириб олинади.
6. Тайёр бўлгач қоғоз салфеткалар устига совигунга қадар жойлаштирилади.
7. Сўнгра қуймоқлар марказига тухумлар қўйилиб, тепа қисми худди қопча сингари кўкатлар ёрдамида боғланади.