Нонуштага Миш-маш — сабзавотли омлетини тайёрлаб кўринг

Нонушта учун мазали, тўйимли ва энг муҳими, тезпишар таом тайёрлаш керакми? Миш-маш омлети учун эса бор-йўғи 15 дақиқа етади.

Керакли маҳсулотлар:

• помидор − 3 дона;
• булғор қалампири − 3 дона;
• пиёз − 1 дона;
• саримсоқ − 2 бўлак;
• ўсимлик ёғи − 2 ош қошиқ;
• фета пишлоғи − 400 грамм;
• тухум − 6 дона;
• кўкат, туз ва зираворлар.

1. Помидор устига қайноқ сув қуйилиб, пўсти ажратиб олинади ва меваси катта бўлакларга бўлинади.
2. Булғор қалапмири, пиёз ва саримсоқ тўғралади.
3. Ўрта оловда пиёз ва саримсоқ қовурилади.
4. Устидан булғор қалампири солинади ва 5 дақиқага димланади.
5. Сўнгра помидор солиниб, яна 5-7 дақиқага димланади.
6. Пишлоқ майдаланади, тухум билан туз ва зираворлар аралаштирилади.
7. Товада пишаётган сабзавотларга аввал пишлоқ, сўнгра тухумли аралашма қуйилади. Бир неча дақиқа давомида пиширилади.
8. Пишишидан 2-дақиқа аввал тўғралган кўкатлар сепилади ва димланади. Сўнгра дастурхонга тортиш мумкин. Ёқимли иштаҳа!