Ушбу егулик корейс миллий таоми ҳисобланса-да, ўзбек ошхонасидан ҳам жой олган. Пазанда бекажонлар эса рецептдан фойдаланган ҳолда пигодини жуда мазали қилиб тайёрлаши шубҳасиз.
Керакли маҳсулотлар:
- Кефир − 250 мл;
- Хамиртуруш − 10 грамм;
- Шакар − 1 чой қошиқ;
- Қийма гўшти − 200 грамм;
- Карам − 300 грамм;
- Пиёз − 1 дона;
- Ун − 300 грамм;
- Туз.
- Кефир бироз илитилади, туз, шакар, хамиртуруш ва ун қўшиб юмшоқ хамир қорилади. Илиқ жойга қўйилади.
- Майда тўғралган пиёз ва қийма қовуриб олинади. Карам ҳам тўғралиб, қийма билан биргаликда қовурилади ва туз, зираворлар сепилади.
- Қўллар ёғланиб, хамир кичик бўлакларга ажратилади. Қўл билан ёйилиб, ўртасига қиймали начинка солинади. Хамир икки томондан пигоди шаклига келтирилади.
- Пишириладиган идишлар ёғланади. Пигодилар буғда пиширилади, шунинг учун мантиқасқон ёки икки қаватли қозонга бир-бирига ёпишмайдиган ҳолатда жойлаштириб чиқилади.
- 35-40 дақиқа давомида пиширилади. Егуликни салат ва соуслар билан истеъмол қилиш мумкин.
Изоҳ (0)