Pitssani bir necha usulda tayyorlash mumkin. Bu safar ham noodatiy retsept bo‘yicha navbatdagi mazali mini-pitssa pishirib ko‘rishni tavsiya etamiz.

Foto: Lifehacker

Kerakli mahsulotlar:

  • Qatlamali yoki pitssa xamiri – 150 gramm;
  • Pomidor sousi – 90 gramm;
  • Pishloq – 150 gramm;
  • Kolbasa – 250 gramm;
  • O‘simlik yog‘i.

Tayyorlanish jarayoni:

  1. Xamir to‘rtburchak shaklda yoyilib, sous surtiladi va ustidan qirg‘ichdan o‘tkazilgan pishloq  sepiladi.
  2. Xamir kolbasa aylanasi kengligidagi tasma shaklida kesib olinadi.
  3. Har bir xamir tasmasiga kolbasa bo‘laklari joylashtirilib, rulet shaklida o‘raladi. Bir tarafi barmoq uchida biroz chimdib qo‘yiladi.
  4. Muffin shirinligi uchun mo‘ljallangan qolip yog‘lanib, xamirning yaproqdek ko‘rinishga ega kolbasali qismi yuqoriga qaratib joylashtiriladi.
  5. Pechda 180 darajada 15-20 daqiqa davomida pishirib olinadi.
  6. Mini-pitssalarni mayonez va ketchup bilan iste’mol qilish mumkin.

Yoqimli ishtaha!