Xiaomi компанияси ноодатий дизайн ва катта сиғимли аккумуляторга эга ҳамёнбоп смартфони — Poco М3’ни тақдим этгани тўғрисида хабар берилганди. FBM’нинг ёзишича, савдолар бошланганидан ярим соат ўтиб, 70 мингдан ортиқ смартфон сотиб олинган.
Ҳисоб-китобларга кўра, 30 дақиқа ичида компания етарлича катта суммани қўлга киритган. Телефонларнинг энг оддий версияси 149 долларни ташкил этади, бироқ савдолар чегирма билан бошланган ва унинг нархи 129 долларни ташкил этган(4/64 гигабайтли базавий версияси). Шундай қилиб, Xiaomi ярим соат ичида камида 9 миллион доллар пул ишлаган.
Poco М3 Full HD+ сифатни қўллаб-қувватловчи 6,53 дюймли дисплейга эга. Бармоқ изи сканери ён ҳошияда жойлашган. Смартфон Snapdragon 662 процессори, 4 гигабайт тезкор ҳамда 64/128 гигабайт ички хотирада ишлайди. Алоҳида эътибор аккумуляторига қаратилган — сиғими 6000 мА/соат ва 18 ваттли тезкор қувватланиш. Шунингдек, смартфоннинг стереодинамиги, IK-порти ҳам мавжуд.
Аввалроқ Xiaomi компанияси Redmi Note9 Pro 5G’ни тақдим этганди. У 108 мегапикселли камера ва 120 герцли экранга эга бўлган.
Изоҳ (0)