25 ноябрь куни интернетда Huawei компаниясининг навбатдаги флагманини илк компьютер сурати пайдо бўлди. Тахминларга кўра, модель Huawei P50 Pro номига эга бўлади, деб ёзади IXBT.
Бу норасмий рендерлар бўлишига қарамай, улар Huawei томонидан рўйхатдан ўтказилган патентлар асосида яратилган, шу сабабли суратдаги дизайн бутунлай пуч эмас.
Суратга кўра, Huawei P50 Pro дизайни асосий камераси билан алоҳида ажралиб туради, у қирқилган битта айлана ичида жойлашган. Асосий камера блоки ўз ичига тўртта датчикни олган.
Аввалроқ Huawei компанияси ўзининг навбатдаги флагманлари сериясини 2021 йилнинг биринчи ярмида тақдим этиши тўғрисида хабарлар пайдо бўлганди. Манбанинг тасдиқлашича, компания Huawei P50’га бир кристалли Kirin 9000 тизимини ўрнатади.
Бундан ташқари, хабарда ёзилишича, Huawei P50’га дисплейларни Samsung Display ҳамда LG Display етказиб беради. Афтидан, ҳозир улар ишлаб чиқаришни йўлга қўйган. Шунингдек, манбанинг қўшимча қилишича, Samsung ва LG Huawei P50 учун дисплейларни аниқ етаказиб беради, бироқ улар Huawei Matе 50 учун ҳам буюртмалар олиш-олмаслиги номаълум.
Аввалроқ Huawei ўзининг термометрга эга смартфонини патентлагани тўғрисида хабар берилганди.
Изоҳ (0)