Xiaomi kompaniyasi noodatiy dizayn va katta sig‘imli akkumulyatorga ega hamyonbop smartfoni — Poco M3’ni taqdim etgani to‘g‘risida xabar berilgandi. FBM’ning yozishicha, savdolar boshlanganidan yarim soat o‘tib, 70 mingdan ortiq smartfon sotib olingan.
Hisob-kitoblarga ko‘ra, 30 daqiqa ichida kompaniya yetarlicha katta summani qo‘lga kiritgan. Telefonlarning eng oddiy versiyasi 149 dollarni tashkil etadi, biroq savdolar chegirma bilan boshlangan va uning narxi 129 dollarni tashkil etgan(4/64 gigabaytli bazaviy versiyasi). Shunday qilib, Xiaomi yarim soat ichida kamida 9 million dollar pul ishlagan.
Poco M3 Full HD+ sifatni qo‘llab-quvvatlovchi 6,53 dyuymli displeyga ega. Barmoq izi skaneri yon hoshiyada joylashgan. Smartfon Snapdragon 662 protsessori, 4 gigabayt tezkor hamda 64/128 gigabayt ichki xotirada ishlaydi. Alohida e’tibor akkumulyatoriga qaratilgan — sig‘imi 6000 mA/soat va 18 vattli tezkor quvvatlanish. Shuningdek, smartfonning stereodinamigi, IK-porti ham mavjud.
Avvalroq Xiaomi kompaniyasi Redmi Note9 Pro 5G’ni taqdim etgandi. U 108 megapikselli kamera va 120 gertsli ekranga ega bo‘lgan.
Izoh (0)