Xiaomi компанияси ZMI бренди остида қишда қўлни иситиш ва смартфонни қувватлантириш имконини берадиган иситгични тақдим этди, деб хабар беради Hi-Tech.Mail.ru.
Иситгич у қадар катта бўлмаган силлиқланган тошга ўхшайди, унинг ичига сиғими 5000 мА/соатга тенг аккумулятор ўрнатилган. Ундан икки мақсадда фойдаланиш мумкин — корпусини иситиш ва смартфонни қувватлантириш.
Корпус ичига иситиш элементлари ўрнатилган бўлиб, улар Цельсий бўйича 52 даражада иссиқликни ишлаб чиқаради — бу инсон учун хавфсиз ҳарорат. Шундай қилиб, қурилма ёрдамида қишда қўлни иситиш мумкин. Иситгич 2 соатда 4 соатгача ишлай олади.
Шунингдек, қурилма корпусида USB-разём ҳам мавжуд — унинг ёрдамида смартфон, фитнес-билагузук, наушниклар ва бошқа кичик гаджетларни қувватлантириш мумкин. Бонус сифатида унга кичик фонар ҳам ўрнатилган.
Аввалроқ Xiaomi «учтаси бирда» фонарини, энг арзон электроскутерни, бармоқ изи сканерига эга блокнотни тақдим этганди.
Изоҳ (0)