Xiaomi vitse-prezidenti va Redmi brendi rahbari Lu Veybing Weibo ijtimoiy tarmog‘i orqali yangi smartfonlar taqdimoti munosabati bilan o‘tkaziladigan matbuot anjumaniga maxsus taklifnomalar tasvirlangan suratlarni e’lon qildi. Taklifnoma bilan birga haqiqiy sovuq qurol — temir xanjar ham tarqatilmoqda, deb xabar beradi Hi-Tech.Mai.ru. Aftidan, bu kabi o‘ziga xos sovg‘a Xitoy OAV vakillari va blogerlarga topshiriladi.
Taqdimotda bir nechta yangi modellar, jumladan, yangilangan Redmi Note 9 va Pro versiyalari taqdim etilishi kutilmoqda. Qurilmalarning birinchisiga Full HD+ sifatni qo‘llab-quvvatlaydigan 6,53 dyuymli displey va 13 megapikselli frontal kamera o‘rnatilgan. Asosiy kamerasi 48 megapiksell, akkumulyator sig‘imi — 5000 mA/soat.
Pro versiya esa 120 gerts yangilanish chastotasiga ega IPS-displeyga ega bo‘ladi. Uning ekrani Full HD+ sifatga ega 6,67 dyuymni tashkil etib, uning tiniqligini 30 dan 120 gertsgacha boshqarish mumkin. Akkumulyator sig‘imi 4820 mA/soat.
Redmi Note 9 va Redmi Note 9 Pro’ning rasmiy taqdimoti 26-noyabr sanasiga mo‘ljallangan.
Avvalroq internetda Redmi Note 9 Pro’ning yongan holatdagi ilk “jonli” surati paydo bo‘lgani to‘g‘risida xabar berilgandi.