Бугун,

  • USD 11095.31
  • RUB 173.84
  • EUR 10772.44

Samsung бир вақтнинг ўзида эгилувчан экранга эга иккита смартфонни таклиф этмоқда — «гармошка»ли Galaxy Z Flip ҳамда Galaxy Z Fold 2 эгилувчан смартфон-планшети. Афтидан, компания қурилма шакллари устидаги таржирбасини давом эттириш ниятида. Компаниянинг ҳозирда «гармошка-смартфон»га патенти мавжуд бўлиб, унда экран бир нечта жойидан букланиши тасвирланган, деб хабар беради Hi-Tech.Mail.ru.

Фото: LetsGoDigital

Фото: LetsGoDigital

Нашрнинг ёзишича, компания шу турдаги қурилма яратилишини тасдиқлаган деб ҳисоблаш мумкин. Samsung Display бўлинмаси ўзининг расмий сайтида бир вақтнинг ўзида иккита жойидан букила оладиган планшет сурати билан бўлишган. Ундан йиғилган ҳолатда смартфон шаклида ёки ёйилган ҳолатида — планшет сифатида фойдаланиш мумкин.

Фото: Samsung Display

Фото: Samsung Display

Шунингдек, Samsung Display трубасимон кичик корпус ичига йиғиладиган экранга эга планшет концептини ҳам тақдим этган. Йиғилган ҳолатда у бироз каттароқ ручка кўринишида бўлади.

Таъкидланишича, ҳозирда Samsung’да «гармошка-смартфон» ва рулон-планшетнинг прототиплари мавжуд, бироқ қандайдир сабабларга кўра компания уни намойиш этмаяпти. Тахминларга кўра, лойиҳалардан бири кейинги йилда Galaxy Z Fold 3 номи остида пайдо бўлиши мумкин.

Аввалроқ Хитойнинг ТCL компанияси 6,7 дюймга экранини 4,5 дюймга қадар кичрайтириш мумкин бўлган «рулон-смартфон» прототипини намойиш этгани тўғрисида хабар берилганди.

Изоҳ
Асосий янгиликлар
Маҳаллий
“Биз АҚШ эълон қилган санкциялар Ўзбекистоннинг иқтисодий имкониятлари ва соҳаларига зарар етказмаслиги учун қўлимиздан келган ҳамма ишни қиламиз” — элчи Жонатан Х...
Маҳаллий
Қашқадарёда асраб олган 13 ёшли қизини зўрлаган эркакка ҳукм ўқилди
Маҳаллий
Наманганда талаба йигит дарёда чўкиб кетди