Жаҳон соғлиқни сақлаш ташкилоти ва Хитой қўшма экспертлар гуруҳи раҳбари Брюс Эйлворднинг маълум қилишича, Хитой янги турдаги COVID-19 коронавирусига қарши курашиш ва унинг тарқалишини олдини олиш бўйича кераклича иш қилмоқда, деб хабар берди The Guardian.
Эйлворднинг сўзларига кўра, бошқа давлатлар коронавируснинг тарқалишига тайёр бўлмаган.
«Вируснинг янада кенг кўламда тарқалишини назорат қилишга тайёр бўлишингиз керак ва бу тезда амалга оширилиши лозим», — дейди Эйлворд.
Сўнгги маълумотларга кўра, бутун дунё бўйлаб COVID-19 коронавируси оқибатида вафот этганлар сони 2,7 мингдан ошиб кетган, 80 мингдан ортиқ одам вирусни юқтириб олган.
Сўнгги кунларда Италия, Жанубий Корея ва Эрон вирус инфекциясининг янги ўчоқларига айланди. Италия вилоятлари орасида энг кўп зарарни Ломбардия ва Венето кўрмоқда, у ерда оммавий тадбирлар бекор қилинган. Шунингдек, вирус билан касалланиш ҳолати Хорватия, Австрия, Руминия ва Швейцарияда ҳам аниқланган.
Изоҳ (0)