Jahon sog‘liqni saqlash tashkiloti va Xitoy qo‘shma ekspertlar guruhi rahbari Bryus Eylvordning ma’lum qilishicha, Xitoy yangi turdagi COVID-19 koronavirusiga qarshi kurashish va uning tarqalishini oldini olish bo‘yicha keraklicha ish qilmoqda, deb xabar berdi The Guardian.
Eylvordning so‘zlariga ko‘ra, boshqa davlatlar koronavirusning tarqalishiga tayyor bo‘lmagan.
“Virusning yanada keng ko‘lamda tarqalishini nazorat qilishga tayyor bo‘lishingiz kerak va bu tezda amalga oshirilishi lozim”, — deydi Eylvord.
So‘nggi ma’lumotlarga ko‘ra, butun dunyo bo‘ylab COVID-19 koronavirusi oqibatida vafot etganlar soni 2,7 mingdan oshib ketgan, 80 mingdan ortiq odam virusni yuqtirib olgan.
So‘nggi kunlarda Italiya, Janubiy Koreya va Eron virus infeksiyasining yangi o‘choqlariga aylandi. Italiya viloyatlari orasida eng ko‘p zararni Lombardiya va Veneto ko‘rmoqda, u yerda ommaviy tadbirlar bekor qilingan. Shuningdek, virus bilan kasallanish holati Xorvatiya, Avstriya, Ruminiya va Shveysariyada ham aniqlangan.
Izoh (0)