Италия бош вазири Жузеппе Конте мамлакат шимолида тарқалган коронавирус инфескиясига қарши амалга оширилган чора-тадбирлар яқин кунларда ўз самарасини беришига ишонишини маълум қилди. Бу ҳақда «РИА Новости» хабар берган.
«Ушбу вазиятда хавотирда эмасман, биз фавқулодда ҳолатга нотўғри баҳо бераяпмиз дея олмайман, лекин амалга оширилган ишлардан кейин яқин кунларда уларнинг самарасини кўришимизга ишонаман», – деган Конте журналистлар билан суҳбатда.
Контенинг сўзларига кўра, касалликларнинг даври коронавирусга тестлар сонининг ҳаддан зиёд кўпайишига сабаб бўлди.
«Кимнингдир иситмаси баланд бўлиб, унда тумов кузтилса, бу бемор зудлик билан коронавирусга тест топшириши лозим дегани эмас, жуда кам ҳолатлардагина бу тожвирус экани ўз тасдиғини топмоқда. Сўнгги кунлардаги текширувлар борасида бир оз ошириб юборилгани, илм-фан олами талабларига мос келмайди: якунда фавқулодда ҳолатдан баттар драма бошланиши мумкин. Кўрсатмаларга амал қилиш керак, акс ҳолда ёлғон ахборотлар муҳитида ўзимизни ўзимиз алдаб қўямиз», – дейди бош вазир.
Аввал ЖССТ вакили Италияда коронавирусни текшириш учун 4 мингта тест амалга оширилгани, Францияда у рақам 300 тага тенглигини билдирган.
Конте ҳукуматнинг аввал коронавирусга қарши кураш учун ажратилган 20 миллион еврога яна қўшимча маблағ ажратишга тайёрлигига урғу берган.
«Ушбу фавқулодда вазиятнинг иқтисодга салбий таъсирини баратараф қилиш учун вақт талаб қилинади. Бу борада батафсил таҳлилни амалга ошириш лозим», – деган Конте.
Ўтган ҳафтада Италия вазирлар кенгаши мамлакатдаги эпидемиологик хавфни бартараф қилиш юзасидан қонун кучига эга декрет қабул қилган: хусусан, омма учун Италия шимолидаги бешта катта спорт тадбири бекор қилинган, мамлакат ҳудуди ва хорижга мактаб ўқувчиларининг ҳар қандай сафарига тақиқ қўйилганди. Ушбу қоидаларнинг жорий этилгани сабаб барча ёлланма ишчилар масофадан туриб меҳнат қилишга ўтди. Шимолдаги олтита вилоят ҳокимликлари мактаблар ва университетларни камида бир ҳафта муддатга ёпди. Бундан ташқари, ҳокимликларга коронавирус тарқалишини олдини олиш мақсадида карантин эълон қилиш ваколатлари берилди. Ҳозирда Италияда икки ҳудуд – Ломбардияда Кодоньо шаҳарчаси яқинида 10 та коммуна изоляция қилинган, шунингдек Венето вилоятидаги Во шаҳри карантинда.
Апеннин ярим оролида 25 февраль ҳолатига коронавирусга йўлиққан беморлар сони 280 нафардан ошиб кетган. Етти нафар фуқаро вафот этган, улардан олтитаси Италия шимолидаги Ломбардияда яшаган. Барча ўлим ҳолатлари ёши кекса инсонларда, хусусан ўсимта касалликлари билан оғриганларда кузатилган.
Изоҳ (0)