Бир неча йил аввал Бразилиянинг энг бадавлат одами саналган ва коррупция, ноқонуний маблағларни легаллаштиришда гумон қилинаётган ишбилармон Эйке Батиста ватанига қайтишга қарор қилди. Бу ҳақда «ТАСС» хабар бермоқда.
«Суд олдида жавоб бериш учун уйга қайтяпман, бу менинг бурчим. Барчасига аниқлик киритиш вақти етди», — дея маълум қилди Батиста Нью-Йорк аэропортида.
26 январда Бразилия полицияси Батистанинг уйида тинтув ўтказди ва уникоррупция, ноқонуний маблағ легаллаштиришда гумон қилиб, ҳибсга олмоқчи бўлди. Бироқ бу пайтда тадбиркор мамлакатни тарк этиб, АҚШга учиб кетишга улгурганди.
Ҳуқуқ-тартибот идораларига кўра, тадбиркор ўтган йили коррупцияда айбланиб қамоққа олинган Рио-де-Жанейро штати собиқ губернатори Сержиу Кабралуга 16,5 миллион доллар пора берган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)